2015年9月15日 星期二

蘇永康想請Paul做嘉賓 黃家強寸爆回應 Paul,家強,蘇永康,黃家強,黃貫中,



家強唔想同阿Paul合唱,蘇康聽罷即刻打完場。

next 1/1 pre

蘇康抽褲頭,話自己瘦咗好多。

next 1/1 pre

由黃家強(左起)、梁漢文、蘇永康及小齊組成的男人幫即將開騷。

next 1/1 pre

梁漢文同蘇康背叛big four。

next 1/1 pre

四個男人勁多嘢講!

next 1/1 pre

超受歡迎!

next 1/1 pre

開香檳預祝成功。

next 1/1 pre

小齊竟然唔知揸咪係joe junior.....

next 1/1 pre

小齊載住家強坐型爆三輪電單車登場。

next 1/1 pre

fans沿途揮手,幾型呀!

next 1/1 pre

梁漢文就水路出發。

next 1/1 pre

蘇永康就紅色辣跑,一樣咁型!

next 1/1 pre

黃家強話Beyond開騷唔係冇可能。

next 1/1 pre

好多粉絲撐場。

next 1/1 pre

男人幫又抽四個小生水。

next 1/1 pre

big four各有各忙。(資料圖片)

next 1/1 pre

joe junior嗰日係勁盡責揸住個咪o架,唔好唔記得佢(資料圖片)

next 1/1 pre

由任賢齊、黃家強、蘇永康及梁漢文組成的男人幫,將在年底攻入紅館開騷,四大型男以一身機師造型出席演唱會記招。出場前大會播放宣傳片,他們分別駕駛蝙蝠車、辣跑及水上電單車Chok爆登場,單是跑車行頭已超過400萬港元。

抽「四個小生」水

同是身為BIG FOUR的蘇康及梁漢文在台上設賭盤,打賭其餘兩位兄弟許志安及張衞健會否擔任嘉賓,蘇康抵死笑說:「依家開個盤,成日話我哋叛徒嗰兩個呀,許首富(許志安)同光頭佬(張衞健)如果嚟就即係當我哋兄弟,唔嚟就即係放棄我哋。」

為演唱會而操弗的蘇康更在台上抽褲頭展示成果,稱腰圍減了不少:「鬆咗好多,唔帶皮帶會甩褲添。」蘇康表示隊中只有自己需要操弗,家強笑說:「最壞打算係如果佢瘦唔到,我哋就要增肥。」

在接受訪問時,由於梁漢文擾攘一輪才埋位,他們抽盡「四個小生」水,蘇康笑言:「我好似謝賢咁星巴佢!」而手持住收音麥克風的小齊齊齊抽水:「揸咪嗰個叫咩名話?」

蘇康破例飲酒

他們透露即將出發到台灣做宣傳工作,因在紅館騷前將會在台灣舉行兩場騷熱身。問到四個大男人可會感到很Dry?家強說:「Dry唔緊要,最緊要有嘢飲。」又大爆梁漢文在祝酒環節不願放下酒杯,而蘇康亦破例飲酒,笑言受訪時還「Wing Wing地」。

家強帶埋老婆仔仔走埠

問到他們在舉行巡唱時,太太們可會做「跟得夫人」?他們說:「睇地方啦,內地有十幾個地方,睇吓遠唔遠,辛唔辛苦。」家強預告會帶老婆及仔仔一起走埠,蘇康驚訝地說:「仲仔女添?」問到是否擔心分薄機票酒店開支?家強笑說:「嗰啲自費架!當係去旅行。」他們又指在台上不會對另一半發表了愛的宣言,太太們只要在台下乖乖睇騷便可,小齊說:「女人嚟睇會感動,男人嚟睇會興奮,熱血!」

小齊成立「男人幫」搵真銀

身為老闆的小齊幫口稱開巡迴是為夢想而不是賺錢,記者笑指小齊曾指視男人幫為搖錢樹,怎麼會突然改口風?其他三位隊友隨即起哄,家強說:「乜原來有錢賺架咩?」蘇康稱公司為賺錢是合理的事,但他們不會忘本,並會用音樂回饋大家。小齊補充指男人幫「錢」途無限:「如果受歡迎,仲有登台商演可以賺到錢嘛!」

BIG FOUR要抖抖

問到是否會重蹈BIG FOUR覆轍?家強寸爆笑說:「嗰個純賺錢架!」蘇康亦自嘲說:「不能相比呀,BIG FOUR百分百商業化,我哋男人幫有十六首歌,BIG FOUR『He Ha Hea』四首歌就話出騷」梁漢文不忘踩多一腳說:「賺盡咗,所以咪過嚟男人幫囉,反轉豬肚就係屎呀。」家強加入戰團:「不吃回頭草呀,唔好諗過去啦。」

問到是否不再以BIG FOUR身份開騷?蘇康一臉正經說:「2014年最後一站後決定要抖一抖,停一停做自己想做嘅嘢,張衞健接咗《我是演說家》,安仔轉新公司,我同梁漢文唔想停,咁啱就組成個音樂性強啲嘅組合,並唔係分贓唔勻。」

家強唔同Paul Jam歌

問到家強是否Beyond開騷無望才加入男人幫?他說:「唔關事,Beyond永遠開唔到騷更加要搞呢個騷,依家我咁講啫,我可以反口,呢個世界有幾多反口覆舌嘅人。」不過蘇康提到希望請Beyond成員葉世榮及黃貫中(Paul)擔任演唱會嘉賓時,現場火藥味即時急升,事關與Paul鬧不和的家強寸爆:「阿Paul淨係同你Jam歌得我同張衞健、安仔Jam。」蘇康笑說:「又得,我同佢合作過,有乜所謂!」

提到屆時會有八個男歌手在舞台演出,小齊打趣指是八仙報喜,他們更笑言要邀請太極、「古惑仔」等組合上台,打破最多人在紅館舞台開騷的紀錄。

「東網巨星」fb專頁:

每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。

http://www.facebook.com/onccstars

鍾意就快D Share啦!
Related Posts Plugin for WordPress, Blogger...