「佢做戲幾好睇喎！好過胡杏兒」
「佢搶晒楊怡鏡，評論都係讚佢彈楊視后」
「唔會好似佢嘅堂哥一樣Chok下Chok下又一部戲」
講緊嘅係邊個? 咪就係大家晚晚都見到嘅「影月」林夏薇囉!依家大台嘅花旦走下又一個，連陳茵媺都約滿唔續約，咁以後邊個擔大旗先？機會嚟飛雲！有網民就睇好《收規華》嘅林夏薇，話佢勁搶戲，仲話同劇嘅楊怡都被比下去，力讚林夏薇做得好。
雖然唔少網民都讚林夏薇有實力，有望做一線花旦，不過就覺得大台未必會捧林夏薇，話因為佢結咗婚喎！點解觀眾會清一色認為大台會唔捧結咗婚嘅上位姐仔呢？ 睇嚟大台有幾霸道，唔使人講，觀眾都Feel到囉！
