2015年9月15日 星期二

重播你有Say ! 杏兒Like爆《執到寶》 杏兒,胡杏兒,

無綫劇集《執到寶》由黃韻詩(右起)、馮淬帆、劉克宣等擔演,當年播映口碑載道。

重播你有Say ! 杏兒Like爆《執到寶》

無綫於深宵時段重播經典劇《大時代》後,引起煲劇熱潮,向來緊貼熱爆娛樂的《東網巨星》App,聯同無綫有新搞作,於昨午推出長達兩星期的《重播你有Say》投票活動,嚴選十套無綫經典劇給巴絲盡情Like,無綫亦會順應民意,於下月5日深宵時段播放巴絲Like爆的經典劇,故《東網》巴絲今次絕對有得Say。身為視帝、后的黎耀祥及胡杏兒率先投票,不約而同揀《執到寶》為經典中之經典,「女神」陳凱琳及傅嘉莉則點名揀《男親女愛》,各位巴絲盡快Click入《東網巨星》facebook去投票

煲劇是最佳減壓節目,深宵時段重睇經典劇集已成為大眾集體回憶經典劇時段,令不少打工仔捱住眼瞓對住電視機想當年,向來緊貼所有熱播娛樂節目的《東網巨星》App,繼推出《港姐任你Like》後,今次與無綫有新搞作,於昨午四時推出《重播你有Say》,於芸芸經典劇中嚴選十劇讓大家畀Like,展開為期兩周的投票活動(截止投票日期為9月28日下午4時)。

《 http://on.cc/tvbdrama 》

黃子華、鄭裕玲孭飛演出的《男親女愛》曾創下50點收視紀錄!
  • 黃子華、鄭裕玲孭飛演出的《男親女愛》曾創下50點收視紀錄!
陳凱琳認為經典劇集《男親女愛》百看不厭。
  • 陳凱琳認為經典劇集《男親女愛》百看不厭。
胡杏兒身為視后,她的心水重播經典劇是《執到寶》,與「視帝」黎耀祥意見一致。
  • 胡杏兒身為視后,她的心水重播經典劇是《執到寶》,與「視帝」黎耀祥意見一致。

兩投票階段即展開

無綫方面待終極經典劇誕生後,將緊接劇集《大鬧廣昌隆》於10月5日深宵時段播放,今次東網巴絲有得Say,任何一票都好重要。投票將分兩個階段進行,第一階段除了有入圍的十套經典劇的精彩劇照、片段及故事簡介外,《東網巨星》facebook還設立必睇推薦位,為各位巴絲解構各經典劇,透明度十足,第二階段則於下星期展開。投票方法簡單,只要於心水劇集的Profile專頁畀Like,即成功投票,投票亦不設上限,十套入圍的劇集都喜歡的話,大可Like足十套劇!

黎耀祥
  • 黎耀祥
傅嘉莉最想重播《男親女愛》。
  • 傅嘉莉最想重播《男親女愛》。

要睇甘國亮踩雪屐

《東網》亦率先找得演員進行投票,視帝、后黎耀祥(祥仔)及胡杏兒不約而同揀《執到寶》,祥仔自言小時候看該劇已印象深刻:「套劇有講少少鬼上身,但又唔係好恐怖,都幾得意、幾有感情,圍繞一家人嘅親情咁處理,當時嚟講係好新嘅題材,一套劇有咁多元素係好難、好考究,有耳目一新嘅感覺。」杏兒雖然未曾看過該劇,早聞該劇已成經典:「我知甘國亮有份演亦有份編,喺劇入面佢仲有踩雪屐,不過踩成點我就唔知,所以咪好想睇囉!」

「女神」界別代表陳凱琳(Grace)與傅嘉莉(Kelly),選擇了黃子華、鄭裕玲火花不斷的《男親女愛》,當年該劇收視高達50點,大讚該對黃金組合既搞笑又好睇。

陳凱琳愛《男親女愛》

Grace說:「當年我喺加拿大睇帶,都睇咗兩、三次,兩位主角火花好特別,好少電視螢幕情侶咁爆,成日鬧大交,唔係一起步就情情塔塔。(邊幕最難忘?)食龜苓膏嗰幕,子華仲生咗粒暗瘡,但佢死拗話自己青春,Do姐為證明自己青春,即刻買好多龜苓膏食,結果就爆好多粒暗瘡,真係好好笑囉!」Kelly說家人一直大讚該劇,未有機會欣賞的她說:「我好欣賞佢兩個,亦有睇開Do姐嘅戲同子華嘅Talk Show,兩位都好有才華,擦出火花好多人鍾意,所以梗係想追番呢套劇啦。」文:影視組

鍾意就快D Share啦!
Related Posts Plugin for WordPress, Blogger...