掃呢頁CODE去手機

2015年12月29日 星期二

【After party】杏兒化身火紅「皇后」 老公飲醉木無表情? __,杏兒,胡杏兒,

胡杏兒今日凌晨喺中環夜店Bungalow開婚禮afterparty,呢間嘢個名好熟呢,咪就係齊昕上次飲醉被影到怒摑阿媽兩巴掌嗰次,都去過呢間嘢㗎,講番杏兒先,新郎哥李乘德(Philip)一班兄弟約凌晨12點半左右,已抵達夜店為party作好準備,之後陸續有啲車抵達,友人更拎咗杏兒同Philip放喺酒店嘅人形紙牌嚟佈置,出席party嘅圈中人並唔係太多,大部份嚟嘅人都係男家親友!藝人李綺雯、崔建邦、 ...




其他影片:>>






胡杏兒今日凌晨喺中環夜店Bungalow開婚禮after party,呢間嘢個名好熟呢,咪就係齊昕上次飲醉被影到怒摑阿媽兩巴掌嗰次,都去過呢間嘢㗎,講番杏兒先,新郎哥李乘德(Philip)一班兄弟約凌晨12點半左右,已抵達夜店為party作好準備,之後陸續有啲車抵達,友人更拎咗杏兒同Philip放喺酒店嘅人形紙牌嚟佈置,出席party嘅圈中人並唔係太多,大部份嚟嘅人都係男家親友!藝人李綺雯、崔建邦、周麗淇(Niki)、Mango(王秀琳)、岑潔儀同馬來西亞富商老公Dixon等,先後到場,直至凌晨1點左右,杏兒好友李施嬅及姚子羚亦抵達,去到1點50分,主角胡杏兒同老公Philp終於去到after party現場,當佢哋部七人車到嘅時候,一班兄弟出嚟迎接一對新人進場,Philp落車嗰陣,未知係唔係有啲醉意,似乎木無表情,箭步衝咗入去,未有回應。身穿火紅色晚裝、頭戴小皇冠嘅杏兒自己落車,個look成個「皇后」咁,由六、七個保鑣同好友護送行入去,場面一度混亂,問及杏兒滿唔滿意個婚禮,佢就話好滿意,多謝晒,問及佢會唔會玩通宵,佢講:「唔會喇!都好攰,自己都唔會留得太夜。」當杏兒推門入場嘅時候,現場即傳出好大嘅歡呼聲,老公Philip雖然有啲啲醉,原來佢冇入場先,反而企定定喺門口等埋杏兒,一齊拖手進場。直至3點半,一對新人就行後門鬼祟離開,避開傳媒。


鍾意就快D Share啦!