李蘊趕生猴B 暗示雙喜臨門
24歲的藝人李蘊與內地金融才俊羅章冠去年6月在廣州秘密註冊，前晚兩人在海南島低調補擺婚宴，好姊妹何超蓮及鄧紫棋（G.E.M.）陪嫁送祝福！充滿孕味的李蘊坦言想生猴B，又隱晦地說：「總之我有好消息會張揚！」暗示雙喜臨門！
穿上裙褂的李蘊有多對龍鳳鈪及大金豬，難怪笑得咁甜
李蘊（Renee）前日與拍拖三年的內地金融才俊羅章冠在海南島低調設婚宴，Renee兩位閨蜜超蓮及G.E.M.亦抽空陪嫁，全程於網上直擊！新娘則於昨日凌晨才在網上分享喜悅：「我有老公」並留言感謝兩位閨蜜百忙中抽空見證其人生大事，更笑問：「唔知下個到邊個呢？」她亦上載穿裙褂、戴鳳冠，雙手戴上多對龍鳳鈪及頸上掛着大金豬的照片，似乎已準備為老公開枝散葉！同時新郎的親友網上直擊婚宴，見李蘊不時護肚「孕味濃」，即有大批網友留言詢問李蘊是否有喜。
在港再擺喜酒
昨日Renee接受本報電話訪問時難掩新婚喜悅，透露去年6月8日已在廣州註冊，她曾表示希望30歲前結婚生仔，老公又是獨子，問到會否開行Turbo造人時，她說：「已經Ready，一直都想30歲前結婚生BB，雖然仲有5、6年，但唔止想生一個。（婚宴後開始努力？）好攰呀！攰到涼都唔想沖，但因為頭髮整咗唔可以唔洗，所以攰到好早瞓咗。」問到是否雙喜臨門，她未有否認，語帶隱晦：「總之我有好消息會張揚，我都想生猴B！哈哈！」問到會否在港再擺喜酒，她表示會，但不會太快。
提到求婚過程，Renee笑言老公冇心思：「註冊前幾日求，好簡單，唔係好誇張，兩個人喺屋企，冇乜點準備，有鑽戒，可能佢知我嫁硬佢，唔使點求！」她指原本並不急於擺酒，惟家人上幾個星期表示前日是超級大好日，故才趕急籌備婚禮：「件白色婚紗我覺得幾靚，係買番嚟，但有網民話唔啱身，因為唔係度身訂造，我買咗婚紗就Send畀超蓮同G.E.M.睇，佢哋買番件白色襯我，仲問我怕唔怕佢哋搶我鏡添。」問到好姊妹送甚麼賀禮，她笑說：「佢哋送咗好大祝福畀我，何小姐好笑，佢話因為太急唔記得帶賀禮，佢急到手忙腳亂，其實佢同G.E.M.準備咗份神秘結婚禮物，但唔可以帶嚟海南。」
老公唔浪漫
問到為何在海南島擺酒，Renee透露老公是海南人，特地去老公鄉下拜祠堂及祭祖，並在祠堂擺了40圍，婚宴則擺了30圍，圈中人只請G.E.M.及超蓮，其他全是家人，難怪近期人氣急升的吳業坤未獲邀請，因而在Renee宣布成為人妻的留言「踩場」質問她：「又話請我飲！」此外，Renee大爆婚宴上與老公都感動落淚：「我先生係好平實嘅人，唔係點講嘢，唔會浪漫，同我性格好唔同，所以佢講愛的宣言都好難得。」而她表示未有計劃蜜月：「老公都請咗幾日假搞婚禮，佢喺廣州工作，婚後我都係廣州、香港兩邊走，香港始終係我娘家。」
採：音樂組
文：專案組
穿上裙褂的李蘊有多對龍鳳鈪及大金豬，難怪笑得咁甜
|
鍾意就快D Share啦！
|
|
|
