2016年2月12日 星期五

方力申蒸發百萬傷心流淚 __,方力申,

方力申蒸發百萬傷心流淚恒生指數昨日猴年首個交易日大瀉,收市報18,545點,大跌742點,星級股民人心惶惶!方力申大呻帳面蒸發逾百萬元,損失一大筆「老婆本」,更直言:「傷心流淚!」至於莊思敏繼去年股災帳面蒸發七位數後,今次再蒸發廿萬,蝕完再蝕,拍戲時不禁「爆喊」!方力申大呻股票帳面蒸發逾百萬元,不知會否影響與女友鄧麗欣的婚期。莊思敏表示買了細價股,帳面再蒸發近廿萬。朱慧敏買大藍籌,就算跌都有息收。 ...


恒生指數昨日猴年首個交易日大瀉,收市報18,545點,大跌742點,星級股民人心惶惶!方力申大呻帳面蒸發逾百萬元,損失一大筆「老婆本」,更直言:「傷心流淚!」至於莊思敏繼去年股災帳面蒸發七位數後,今次再蒸發廿萬,蝕完再蝕,拍戲時不禁「爆喊」!

方力申大呻股票帳面蒸發逾百萬元,不知會否影響與女友鄧麗欣的婚期。

莊思敏表示買了細價股,帳面再蒸發近廿萬。

朱慧敏買大藍籌,就算跌都有息收。

陳庭欣(左)與朱晨麗均表示有買股票。

昨日是大年初四,在喜氣洋洋的氣氛下,恒生指數卻急挫!今次股災令歌手方力申蝕入肉,帳面蒸發逾百萬元,昨日接受本報訪問時說:「損失咗七位數,我真係冇眼睇!我直情傷心流淚,但冇辦法,冇人會估到,我惟有繼續努力工作搵錢,暫時唔買股票」

小方與女友鄧麗欣(Stephy)拍拖十年,惟遲遲未結婚,今次股災恐怕令小方損失大筆「老婆本」,婚期分分鐘要再Delay!小方又叮囑大家一定要忍手,切忌趁低吸納:「千祈唔好撈底,唔知個底係點,切忌撈底,等個市好番啲先買!」

陳庭欣唔再入貨

至於去年因股災影響,帳面蒸發七位數的莊思敏(Jacquelin),受過教訓後,一直未敢輕舉妄動。不過今次股災也令她帳面又蒸發近廿萬,昨日受訪時說:「之前買落嗰啲繼續跌咗啲,擺喺度唔郁咋!我持有四隻以上嘅股,帳面蒸發咗廿萬,但唔會放。我持有嘅都係細價炒股,早已中招,所以今朝見到個市跌到咁都冇乜反應。」不過蝕完又蝕,令她要靠拍喊戲澆愁:「今日咁啱開工拍喊戲,喊完出嚟舒服晒!」

原來Jacquelin常與好友陳庭欣(Toby)交流投資心得,Toby堅信「淡定有錢剩」,昨日她受訪時說:「有五位數股票,今年唔係猴年,係蟹年,由得佢擺吓。我都慣晒喇!我對於後市非常樂觀,由佢擺吓都有息收。我唔會再入貨喇!之前莊思敏同莊思明教路溝貨,趁低吸納,依家都唔會再喺佢哋面前講股票。」

朱慧敏有信心回升

而穩陣派的朱慧敏今次也難免有損失:「我買大藍籌,好穩陣。今次的確都有跌,帳面上都有蝕,但都有息收。」不過她相信股市會雨過天青:「前一段日子升咗好多,我都有啲斬獲,股市回一回都正常,唔會持續咁升,如果大家有多餘錢,可以分批咁慢慢趁低吸納!我對後市好有信心,唔止香港,全球經濟呢段時間都係低迷,唔會一直低,我好樂觀,我相信個市會先跌後升!」而李思欣則透露老公范振鋒今次有蝕五位數:「佢有玩少少,之前股災都已經跌咗啲又入多少少,諗住蝕少啲,點知都係蝕,前前後後都係五位數左右!」她又表示老公未敢「趁低吸納」,因擔心低處未算低!

文:專案組

方力申大呻股票帳面蒸發逾百萬元,不知會否影響與女友鄧麗欣的婚期。

莊思敏表示買了細價股,帳面再蒸發近廿萬。

朱慧敏買大藍籌,就算跌都有息收。

陳庭欣(左)與朱晨麗均表示有買股票。


來源 source: http://the-sun.on.cc
鍾意就快D Share啦!
Related Posts Plugin for WordPress, Blogger...