| 結婚13年感情如昔，甄子丹與汪詩詩不時在人前晒恩愛。 | next 1/1 pre |
 | |
| 不過你唔會覺得佢哋好肉麻，淨係感覺到佢哋嘅幸福。 | next 1/1 pre |
 | |
| 甄子丹與汪詩詩結婚多年，愈見恩愛。 | next 1/1 pre |
 | |
| 第二眼就認定汪詩詩，拍拖兩星期就求婚，甄子丹自誇眼光獨到搵到好老婆。 | next 1/1 pre |
 | |
| 汪汪詩詩自言冇結婚衝動，全因為甄子丹身上嘅安全感改變咗佢。 | next 1/1 pre |
 | |
| 甄子丹坦言同汪詩詩間中都會有鬧交，不過好快大家就會冇事。 | next 1/1 pre |
 | |
| 對於再添丁，甄子丹與汪詩詩一致點頭，不過就順其自然唔會強求。 | next 1/1 pre |
 | |
| 甄子丹及汪詩詩2003年相識，兩星期後子丹求婚成功，同年8月結婚。現時育有一子一女，幸福美滿。 | next 1/1 pre |
 | |
| 2011年詩詩30歲生日，子丹向愛妻送上「肉嘴」。 | next 1/1 pre |
 | |
| 甄子丹2012年到布吉慶祝結婚周年時於水底Sweet自拍。 | next 1/1 pre |
 | |
| 去年甄子丹萬聖節更陪子女扮嘢。 | next 1/1 pre |
 | |
| 模特兒出身的汪詩詩，不時與老公甄子丹「夫妻檔」影相，2013年兩人拍攝型格性感照，子丹輕摸詩詩屁股，大騷恩愛之情。 | next 1/1 pre |
 | |
| 2013年甄子丹50歲大壽，汪詩詩大搞懷舊派對，邀得不少名人紅星為他慶祝。 | next 1/1 pre |
網絡潮句云：不做需要男人的女人，要做男人需要的女人！與甄子丹攜手度過第13個情人節的汪詩詩，擁有令人艷羨的愛情與家庭。當別人離家出埠拍戲當「透氣」的時候，即將再出遠門的子丹卻如小孩般死纏爛打，希望愛妻隨行相伴，且唔怕肉麻在人前表示「冇咗你瞓唔着」，換來詩詩冧爆甜笑回應。能夠懾服「宇宙最強」，歸根究柢全賴詩詩異於常人的正能量，以及當初對這段「異地戀」的義無反顧。這個世界，絕對沒有「免費的午餐」！
子丹與詩詩這一對，確實令人羨慕。男的在最愛面前收起大銀幕上嚴肅的面孔，更搞笑「咬花示愛」，女的在最愛面前全程流露幸福笑容，這度閃光彈的威力，足以令人眼瞎！接受訪問時，兩人不避嫌在人前打情罵俏，不覺突兀，只感溫馨。問到過去十餘載最難忘的情人節，詩詩笑說：「試過有一年我畀Surprise佢，喺商場Book咗個課程玩『煮飯仔』。嗰朝06叫佢起身換衫，佢以為我想同佢去Shopping，但又覺得冇理由咁早嘛，去到見到最鍾意嘅食材放晒喺面前，包括牛扒同龍蝦湯等，咪夾手夾腳煮囉，都搞到中午先分享到『成果』。」原來兩人拍拖時，子丹已經常化身廚神，成功箍緊詩詩的胃：「老公煮龍蝦嘅方法比較清淡，食嘅時候只係沾牛油，不過好鮮甜。」
《葉問３》角色寫照
詩詩透露由於西方情人節很多時候都正值農曆新春，所以子丹過往可拋下繁忙工作，休息數天享家庭樂，兼與自己度過浪漫情人節，然而今年的情人節他卻要離港拍戲，且一去便是數月，兩夫婦第一次在佳節兩地相思！提起這件事，子丹即對老婆笑說：「你又知一定唔會（一齊過）？周潤發去拍戲，發嫂都一定在場，你係我經理人嘛！」對於老公「出口術」意圖說服自己同行，詩詩「口硬」地說：「唔得喎，我要照顧屋企。」
「宇宙最強」其實只是子丹螢幕上的形象，卸下戲服後的他，完完全全是位「愛妻號」，萬事以詩詩及家庭行先，有時更活脫像個大細路向太太撒嬌，他自爆「蜜事」：「唔知點解，我好唔習慣佢唔喺身邊，試過佢出咗去同朋友聚會，我上咗床瞓唔着，最終都係要打畀佢，問佢幾時返，不過佢好多時都唔理我！」子丹直言十分珍惜與太太每晚入睡前的「分享」：「點都會抽啲時間傾偈先瞓，天南地北乜都講啲。（你哋除咗係夫妻，都係彼此嘅好朋友？）我就係，唔知佢。我比較少朋友，所以有嘢一定會搵佢傾，不過佢好多朋友，陌生人都可以傾得一餐。」詩詩聞言即俏皮回道：「係呀，我真係乜人都傾得一餐，但上次喺英國坐的士，的士司機本來同我傾緊，回頭發現你時流露驚訝表情咁問：『Are you Donnie Yen？』又話之前一晚睇完你嘅電影，跟住就到你哋兩個雞啄唔斷喇……」
身邊人真係最緊要
風雨同路十多年，甄氏夫婦偶爾也有思想分歧，就如子丹形容：「我哋都係尋常夫妻，點會完全冇鬧過交吖？不過我老婆容易氹，而我嘅『忍功』亦唔錯，加上自問唔係鍾意鬥氣嘅人，唔會好耐都唔同佢講嘢，好快大家就冇事喇！」子丹最欣賞詩詩的正能量，以及成熟思想，令這段年齡相距18年的戀愛水到渠成。談到夫妻相處之道，子丹搞笑地說：「都話叫大家去睇《葉問3》我都講過好多次，戲裏面嘅對白唔止係對白，亦係我本身嘅寫照，我同個角色合二為一喇！都係嗰句啦，身邊嘅人真係最緊要，為最愛嘅人做嘢係出自真心、自然咁流露出嚟嘅。我都同老婆講，叫佢千祈咪話我做老公嘅滿分，因為滿分就唔會再有進步空間喇！」
難忘愛妻安排「美伴」
談到當初拍拖兩周便求婚，子丹沾沾自喜地說：「唔好話一見鍾情，咁太假喇，人哋都未有機會同你講嘢，係咪？我係第二眼已經知道佢係我想要嘅人，結果證明我冇錯吖！（詩詩為你做嘅邊件事最難忘？）我50歲生日，佢為我搞大型派對，當晚好多電影人同紅星都有嚟。太太為我安排咗兩位圈中大美人坐我隔籬，艷福認真無邊，當時蕭定一仲話要用一萬蚊嚟同我調位坐呀！」
在人生的盛極年華遇上子丹，詩詩放棄了一向嚮往的自由與事業，決定「嫁雞隨雞」，愛得完全義無反顧。驀然回首，這天她娓娓道來：「我屋企家庭成員本身感情好好，就因為咁令到我覺得自己有最強後盾Back Up，根本冇諗過會結婚，好想集中火力創一番事業。坦白講，遇到子丹前我都拍過拖，不過獨獨係呢個男人嘅真誠，先畀到安全感我。（拍拖兩周就接受佢求婚？）我答應咗佢啫，佢都要去問我父母先。父母起初都唔贊成，因為唔知娛樂圈嘅生活係點。」
再添丁？Never Say Never
問到有否試過很不開心的時候？詩詩憶述：「生完Jasmine（甄濟如）同James（甄濟嘉）後，我試過再懷孕，知道呢個喜訊後我好開心，嗰時先知原來自己都仲想生嘅，點知開心完冇耐，就被通知宮外孕，當時子丹飛咗去做嘢，我嘅傷心難以形容，後來佢返嚟陪我睇醫生，醫生同我講其實情況幾危險，要盡快做手術。」
至於會否計劃再添丁，詩詩坦言：「都想做吓自己嘢，發展吓事業先。」不過卻聽到丈夫「投訴」女兒Jasmine：「佢長大得太快，依家已經成個少女咁，好懷念佢BB個樣囉……再生嘛，順其自然呢個世界Never Say Never。」詩詩即點頭認同。
一個宇宙最強改變汪氏三代人
其實這段「甄汪聯婚」，不單令詩詩走上「不一樣的人生」，亦對汪家上下影響深遠，她說：「生完Jasmine後，本來諗住留喺加拿大生活，覺得嗰度啲空氣對小朋友好啲，但突然有一日我喺度諗：小朋友邊識咩叫空氣好呢？發生咩事都唔緊要，最緊要係我哋一家人喺埋一齊嘛！」
於是，詩詩坐言起行，決定「執包袱」返港，結果其父母也作出相應的重大決定：「佢哋好唔捨得Jasmine，又想幫我手湊佢，驚我一個人搞唔掂。初初佢哋兩個經常返香港，搞搞吓索性留喺香港生活。我屋企本身係做珠寶生意，所有嘢係爸爸一手一腳創立，好想我哋兩姊妹能夠繼承，點知依家兩個都嫁咗，佢哋之前已經忍痛將生意出售喇！」
至於已嫁入豪門的汪圓圓當日追隨詩詩返港，輾轉下入行當模特兒，結果遇到畢生至愛，並已為三子女之母，刻下與姊姊一樣扎根香港。眼見姨仔覓得良緣，子丹亦相當安慰：「我當佢係自己個妹一樣。圓圓份人好純，佢啱啱返嚟香港，連同人對望都唔係好敢。佢本來好多人追，但都唔見有聲氣，依家能夠遇到一個真真正正愛佢、對佢好嘅人，我梗係開心（你影響晒汪家所有人嘅命運喎！）都係，哈哈！」不說不知，原來詩詩、圓圓的外婆也是雙胞胎，如今圓圓已證實盡得遺傳，如果下一個輪到詩詩「報喜」，相信喜歡小朋友的子丹一定笑到合不攏嘴！
|
鍾意就快D Share啦！
|
|
|
