2016年2月3日 星期三

【員工醞釀罷播】傳員工盛怒截停廣播訊號 亞視疑一度冇畫面 __,亞視,

亞視拖糧一拖再拖,有部份員工連12月份糧都收到,出唔出到1月份糧,似乎都凍過水,今日仲臨時召開員工大會,逾200名員工出席,亞視股東代表何子慧就喺會上,稱要求員工捱多30日,其後遭多位員工以粗口指罵,而員工多番要求見司榮彬,對方亦留在辦公室,未有現身。據傳媒人李鴻彥喺facebook透露,現場有約20名員工「聞訊後不滿即時離場抗議」,而有啲仍然留座嘅員工就質疑,稱今日都過唔到,點捱多30日,現場人 ...


亞視拖糧一拖再拖,有部份員工連12月份糧都收到,出唔出到1月份糧,似乎都凍過水,今日仲臨時召開員工大會,逾200名員工出席,亞視股東代表何子慧就喺會上,稱要求員工捱多30日,其後遭多位員工以粗口指罵,而員工多番要求見司榮彬,對方亦留在辦公室,未有現身。據傳媒人李鴻彥喺facebook透露,現場有約20名員工「聞訊後不滿即時離場抗議」,而有啲仍然留座嘅員工就質疑,稱今日都過唔到,點捱多30日,現場人士均表示不滿,員工亦醞釀罷播行動。據講負責畫面傳送嘅員工對未能出糧一事,感到好激氣同激動,傳馬上將畫面停咗,等電視冇畫面,亞視本港台同國際台嘅畫面亦一度傳無信號,部份地區間歇出現冇畫面嘅情況,未知係唔係同「罷播」行動有關!另外,亞視大樓內兩部電梯故障,營運總裁馬熙亦因為困於電梯,要消防到場拯救,而未能出席員工大會。有個員工揸車離開時,透露因為有管理層困於電梯,員工將於下午3點再開會。據有份開會其中一名亞視員工透露,員工不滿30日後出糧安排,下午三時會再開會,並分兩部份進行,員工加高層管理、另一會議只有員工參與,預計會選出員工代表,之後會由代表向亞視談判。不過,亞視發言人黃守東稱今日係股東同員工開會,未知下晝仲有無會開,會議內容唔透露得⁠⁠⁠⁠。


鍾意就快D Share啦!
Related Posts Plugin for WordPress, Blogger...