掃呢頁CODE去手機

2016年2月3日 星期三

唔肯離婚 追數群組爆大鑊 渣男周永恒攬炒巨胸新女 [FACE - 454] __,周永恒,MF,

周永恒一方面唔肯同阿Yu離婚,一方面又同新女拍拖,究竟想點呢?(網上圖片)封面唔肯離婚 追數群組爆大鑊 渣男周永恒攬炒巨胸新女堪稱娛圈渣男的周永恒,藏毒家暴外遇乜都衰過,又唔肯同分居超過1年的趙頌茹離婚。偏偏渣男不斷有女埋身,繼小三Ruby後,又有新女到手!周永恒新女叫黃芊詠(Cherie),原名黃詠珊,係未出道女團o.m.G成員。兩人剛撻着即高調在fb放閃,Cherie話同周永恒「一起pray, ...


周永恒一方面唔肯同阿 Yu離婚,一方面又同新女拍拖,究竟想點呢?(網上圖片)

封面

唔肯離婚 追數群組爆大鑊 渣男周永恒攬炒巨胸新女

堪稱娛圈渣男的周永恒,藏毒家暴外遇乜都衰過,又唔肯同分居超過 1年的趙頌茹離婚。偏偏渣男不斷有女埋身,繼小三 Ruby後,又有新女到手!

周永恒新女叫黃芊詠( Cherie),原名黃詠珊,係未出道女團 o.m.G成員。兩人剛撻着即高調在 fb放閃, Cherie話同周永恒「一起 pray,一起 play」之外,更稱自己係「有過去的人」。其實 Cherie個底同周永恒一樣花,有指佢整過容,又欠下一身街數唔還,而且感情關係複雜。本刊得到一批她與前度的親熱照,另有一追數群組內向名叫 Cherie的人追債的對話。 Cherie前度男友更曾為她斬掉手指尾!為女人可以去到咁盡,唔知連贍養費都唔肯俾的周永恒慚唔慚愧呢?物以類聚,呢次攬炒!

唔肯同趙頌茹離婚、又唔肯俾贍養費養兩個女的周永恒,之前試過孖住細佬北上深圳教健身,收入唔錯,仲有得住深圳豪宅,生活睇落比以前正常得多。

新歡 Cherie擁有 34D巨胸,周永恒點會唔嗒糖?(網上圖片)

債主開 group chat爆料

Cherie接受傳媒訪問承認爭人錢,解釋係因為被生意拍檔陷害。

不過死性難改,周永恒同 Ruby分手後,極速搭上自稱將會出道的女團 o.m.G成員 Cherie。雖然新女算係圈中人,但知名度與工作量近乎零,日日冇工開,同周永恒累鬥累。

被指曾經整容的 Cherie,背景亦複雜。近日有讀者報料,稱 Cherie欠下萬幾蚊打碟器材錢唔還,已有一堆債主開了 WhatsApp群組追數,更 share Cherie的私照;又爆 Cherie曾在旺角先達開電話鋪,將水貨機同二手機翻新當新機賣,又出唔足糧俾旗下員工,經營手法非常有問題!

「叫雞都要俾錢!」

上月 5日因襲擊罪被判守行為 1年的周永恒,個底真係愈來愈花!《蘋果日報》圖片

財政混亂,感情生活同樣複雜。據知 Cherie曾有一個陳姓前男友,拍拖期間,男友為 Cherie去財務公司借錢。兩人除了有金錢轇轕,陳姓男友亦愛得相當投入,知道 Cherie有第三者後曾試過自殘,竟為女死為女亡,斬掉左手手指尾,還不介意 po相在 fb。

陳姓男友選擇將家醜外揚,在 fb踢爆 Cherie有外遇,爆粗怒吼「點×解要俾綠帽我戴呀?我做錯乜×嘢呀?」而 Cherie亦有開 po回應,「叫雞都要俾錢!我都未×見過啲男人分手分得咁× cheap!」

「唔係自己對手」

擁有 34D巨胸的 Cherie,去年尾同周永恒撻着。最初周永恒為 Cherie監製新歌,兩人都對音樂有興趣,加上當時剛與 Ruby分手,冇女陪自然身痕,索性改追同屬基督教的 Cherie。

話係基督徒,但兩人已於男方寓所同居,面對有家暴記錄的周永恒, Cherie在 fb笑指男友唔係自己對手,又話好欣賞佢有才華。熱戀期梗係乜都好啦,有阿 Yu同 Ruby咁多受害人都未識驚,放長雙眼睇渣男與是非女呢 pair天生一對又點收科

分居近兩年,獨自湊兩個囡囡嘅阿 Yu,希望盡快同周永恒離婚。

Ruby話同周永恒近月冇再聯絡,連恐慌症都漸漸康復中。

拍拖個幾月, Cherie已不斷在 fb高調認愛。(網上圖片)

前度男友

Cherie同前度陳生愛得痴纏,拍拖期間不時頭貼頭同咀嘴合照。(網上圖片)

網上圖片

戴綠帽斬手指

Cherie前度竟然因為分手而將左手手指尾斬去,都幾癲!(網上圖片)

陳生在 fb呻自己戴綠帽,唔知個第三者係咪周永恒呢?

Cherie同前度不歡而散,兩個都爆晒粗,好激動!

臭史一大羅

周永恒新女 Cherie外貌 MK,背景亦唔簡單,自從搭上周永恒後,大堆人爭住爆佢大鑊!

唔同樣

疑似整容前後的 Cherie,無論五官同面形都完全唔同!(網上圖片)

網上圖片

《追數郡組》

Cherie欠落一身街數,有債主開咗個 WhatsApp追數群組爆 Cherie臭史;亦有債主私訊(右)。

《無良商人》

有人聲稱曾在 Cherie的先達手機鋪做 sales,力斥 Cherie係無良商人。

《 6千都唔還》

本刊得到 Cherie與另一友人 C小姐的對話截圖。 Cherie因打碟器材爭人 6千蚊都拖住唔肯還。

《上海陪客》

在 WhatsApp中的「 Cherie」聲稱自己接咗個上海客!乜嘢客呢?

愈撈愈霉

雖然周永恒成事不足從來冇紅過,不過的而且確離開趙頌茹母女以後的事業運再衰多幾錢重,如果半桶水教練同合組渣男音樂組合都叫事業的話……

網上圖片

《講乜都錯》

基本上周永恒喺面書發表任何言論都會被網民攻擊,唔只新歌新女新戀情,連早排自稱死過翻生大徹大悟想返轉頭搵老婆都被全民鬧爆!

《轉行被炒》

香港撈唔掂,去年北上深圳投靠細佬合股搞瑜伽中心,仲一度為搏闊太客歡心赤膊教拳,不過好景不常,兩個月前自稱怕影響細佬生意經已退股。

《小三都嫌》

新歡一個比一個不濟,舊愛阿 Yu連提都唔願再提前夫,周永恒被嫌棄到一個點,係連前度小三 Ruby都形容兩個人一齊嘅歲月係「人生黑洞」。

網上圖片

《負負得負》

所謂物以類聚,全香港樂壇唯一仲肯同周永恒合作嘅,竟然係曾經出賣前度連詩雅求上報嘅 rapper曲赤(右),兩個渣男一齊合作寫自嘲歌,諗住負負可以得正?

MK LOVE STORY

網上圖片

老老竇竇,拍拖拍到要斬手指,值得咩?分多幾次手仲有手指淨嘅?不過咁, MK男女不嬲有佢哋獨樹一格的示愛方式,搵多幾個案例、拉勻成個 MK界嚟睇,斬手指原來都係冰山一角!

《文學大賞》

無論熱戀定分手, MK男女都鍾意上網抒發情緒,無論中文定英文,都好易成為網絡金句,可讀性仲高過旺角活地亞倫葉大導嗰啲!

網上圖片

網上圖片

《新意自殘》

𠝹手𠝹大髀人人都識做,要喺自殘當中找到新意,有人會用刀仔自隊,亦有人會用人血二次創作,力求殺出一條血路。

網上圖片

網上圖片

《一啖砂糖》

甜蜜蜜嘅時候可以飲經血仲話食屎添,反面時輕則 cap圖重則公開個人資料數臭,呢啲咪一啖砂糖一啖屎囉!

網上圖片

網上圖片

《鐵窗內外》

唔只被羈押時喺差館要打卡,亦都有 MK仔犯事上庭打卡,女朋友仔在鐵窗外遙距祝福示愛,有情有義可歌可泣。

網上圖片

網上圖片

《記得自拍》

病要自拍、喊要自拍、自殘自拍、尋死自拍、飲醉酒自拍、連入冊同送殯都要自拍,萬大事最緊要自拍咗先。

網上圖片

網上圖片

採訪、撰文、攝影:娛樂組


鍾意就快D Share啦!