掃呢頁CODE去手機

2016年2月17日 星期三

牧師禁戀 林嘉欣咀完怒告學友 [FACE - 456] __,學友,鍾嘉欣,嘉欣,李嘉欣,林嘉欣,張學友,MF,

張學友飾演星級牧師,同教會女職員林嘉欣酒後亂性,車廂咀嘴。#男人四十 #錫完出事貼圖區牧師禁戀 林嘉欣咀完怒告學友去年成為台灣金馬獎史上首位攞齊「最佳新演員」、「最佳女配角」及影后的林嘉欣,今年再返港角逐金像獎,同楊千嬅爭影后。兩個都好戲,要攞獎梗係要靠話題!嘉欣在老公袁劍偉執導的新戲《暗色天堂》中,同飾演牧師的張學友車廂激咀,點知咀完又後悔,決定𡁻完唱告學友非禮!禁戀都玩埋,贏面好似高過純潔校長 ...


張學友飾演星級牧師,同教會女職員林嘉欣酒後亂性,車廂咀嘴。

#男人四十 #錫完出事

貼圖區

牧師禁戀 林嘉欣咀完怒告學友

去年成為台灣金馬獎史上首位攞齊「最佳新演員」、「最佳女配角」及影后的林嘉欣,今年再返港角逐金像獎,同楊千嬅爭影后。

兩個都好戲,要攞獎梗係要靠話題!嘉欣在老公袁劍偉執導的新戲《暗色天堂》中,同飾演牧師的張學友車廂激咀,點知咀完又後悔,決定𡁻完唱告學友非禮!禁戀都玩埋,贏面好似高過純潔校長千嬅喎!

被告非禮的學友,冇得再做牧師,要返大陸從商!玩到成身紅酒漬做乜事呀?

#身敗名裂

嘉欣瞓醒一覺,決定怒告學友非禮。

#女人變臉是常識

嘉欣戲中有多場喊戲,學友話佢叻到可以控制一隻眼流眼淚,另一邊冇眼淚!

#眼都有戲

14年前在《男人四十》搞師生戀,學友話嘉欣當時演出比較即興,今次就做足準備功課,成熟好多。 

#專玩不倫戀

黃秋生飾演律師,幫學友辯護;聖羅蘭(左)就係主控官。

電影由老公袁劍偉執導,但原來係嘉欣先邀請學友參演。

千嬅同嘉欣都係今屆影后大熱。

撰文:娛樂組


鍾意就快D Share啦!