熱爆娛樂: 牧師禁戀　林嘉欣咀完怒告學友 [FACE - 456] __,學友,鍾嘉欣,嘉欣,李嘉欣,林嘉欣,張學友,MF,

2016年2月17日星期三

張學友飾演星級牧師，同教會女職員林嘉欣酒後亂性，車廂咀嘴。

#男人四十　#錫完出事

去年成為台灣金馬獎史上首位攞齊「最佳新演員」、「最佳女配角」及影后的林嘉欣，今年再返港角逐金像獎，同楊千嬅爭影后。

兩個都好戲，要攞獎梗係要靠話題！嘉欣在老公袁劍偉執導的新戲《暗色天堂》中，同飾演牧師的張學友車廂激咀，點知咀完又後悔，決定𡁻完唱告學友非禮！禁戀都玩埋，贏面好似高過純潔校長千嬅喎！

被告非禮的學友，冇得再做牧師，要返大陸從商！玩到成身紅酒漬做乜事呀？

#身敗名裂

嘉欣瞓醒一覺，決定怒告學友非禮。

#女人變臉是常識

嘉欣戲中有多場喊戲，學友話佢叻到可以控制一隻眼流眼淚，另一邊冇眼淚！

#眼都有戲

14年前在《男人四十》搞師生戀，學友話嘉欣當時演出比較即興，今次就做足準備功課，成熟好多。　

#專玩不倫戀

黃秋生飾演律師，幫學友辯護；聖羅蘭（左）就係主控官。

電影由老公袁劍偉執導，但原來係嘉欣先邀請學友參演。

千嬅同嘉欣都係今屆影后大熱。

撰文：娛樂組

鍾意就快D Share啦！