2016年2月17日 星期三

小六開始迷 K-POP 索女韓國體驗 [FACE - 456 - 大專校園] __,MF,

雖然韓國流行整容,不過Emma就話自己冇整,「雖然韓國整容好出名,周街都廣告,但其實打支針都要幾千蚊港幣,對學生嚟講都幾貴!」U花U草小六開始迷K-POP 索女韓國體驗鍾翠盈(Emma)韓國延世大學 英國語文及文學系Year2facebook:EmmaChunginstagram:Kissmemma唔少人都會趁新年離港避年,不過喺韓國住咗四年嘅Emma就話呢個時候去韓國旅行最蝕底,「中秋同新年都係 ...


雖然韓國流行整容,不過 Emma就話自己冇整,「雖然韓國整容好出名,周街都廣告,但其實打支針都要幾千蚊港幣,對學生嚟講都幾貴!」

U花 U草

小六開始迷 K-POP 索女韓國體驗

鍾翠盈( Emma)

韓國延世大學 英國語文及文學系 Year2

facebook: Emma Chung

instagram: Kissmemma

唔少人都會趁新年離港避年,不過喺韓國住咗四年嘅 Emma就話呢個時候去韓國旅行最蝕底,「中秋同新年都係韓國人嘅大節日,韓國人會返鄉下陪家人,啲街靜嚶嚶,鋪頭都好少開。不過韓國都有派利是嘅傳統,但係會改用白色信封,而且可以即拆利是,但係就只會派畀親戚。」

韓國人出名飲得, Emma過咗韓國咁耐,酒量都好咗好多,燒酒、啤酒樣樣得,返到香港仲係朋友眼中嘅「千杯不醉」。

對韓國文化熟到不得了嘅 Emma,小六開始迷上 k-pop,中四開始追星,中五開始學韓文, DSE畢業就算有香港嘅大學 offer都唔要,跟家姐一齊去韓國生活。𠵱家 Emma嘅韓文已經考獲 6級最高級別, 22歲嘅 Emma就話,「呢幾年愈來愈多人鍾意韓國,好恨去嗰邊讀書,但我以過來人身份覺得大家唔好抱咁大期望,去嗰邊玩吓就好,喺嗰邊生活真係要做好多準備。我識好多人去咗兩、三個月就頂唔順返嚟香港,一嚟開支大,二嚟自己一個人過去好難識朋友,韓國人好自私、好排外,就算同你食飯都係講啲門面嘢,唔會當你真心朋友。」

Emma話原來當地人入大學好難,個個都志在入韓國 Top3嗰三間大學,首爾大學、延世大學、高麗大學,入到先算係人生贏家,入唔到唔使旨意入 Samsung、 LG呢啲大公司度做。「韓國同香港學生一樣,中學開始就狂補習,朝早 6點出門口,夜晚 12點先返屋企,所以自殺率都好高,喺韓國讀書並唔係大家想像中咁美好。」

喺韓國生活咗四年, Emma都認識咗現任韓籍男朋友,「韓國男仔其實唔大男人,反而係暖男,有時我都唔記得嘅紀念日,但佢會記得,仲會成日帶我去唔同地方玩。」

韓文流暢嘅 Emma(左四)試過幫 MAMA頒獎禮做翻譯,「嗰陣我突登由韓國飛返香港,全程跟住韓星 Zion.T,由佢香港落機開始就跟住佢,例如佢要買嘢食,同香港同事溝通都係我喺佢身邊做翻譯。」

撰文:葉浩婷

攝影:范仲良

化妝及形象: Kika Wong


鍾意就快D Share啦!
Related Posts Plugin for WordPress, Blogger...