掃呢頁CODE去手機

2016年3月2日 星期三

20歲靚女學護 做 MODEL養自己 [FACE - 458 - 大專校園] __,MF,

護士呢行唔係人人都做得到,尤其神經科經常會對住比較易失禁嘅病人,要成日清理大、小二便,連一啲牛高馬大嘅男仔有時都頂唔順,難得Alina可以接受到。U花U草20歲靚女學護 做MODEL養自己20歲女試過自己一個搬出嚟住,水電媒、屋租、開餐都係自己俾,全靠自己做兼職模特兒賺外快。對於同齡嘅女仔嚟講,練樂儀(Alina)的確叻女,難怪佢都忍唔住讚自己,「我十分欣賞自己可以自給自足、自力更生嘅能力!」練樂 ...


護士呢行唔係人人都做得到,尤其神經科經常會對住比較易失禁嘅病人,要成日清理大、小二便,連一啲牛高馬大嘅男仔有時都頂唔順,難得 Alina可以接受到。

U花 U草

20歲靚女學護 做 MODEL養自己

20歲女試過自己一個搬出嚟住,水電媒、屋租、開餐都係自己俾,全靠自己做兼職模特兒賺外快。對於同齡嘅女仔嚟講,練樂儀(Alina)的確叻女,難怪佢都忍唔住讚自己,「我十分欣賞自己可以自給自足、自力更生嘅能力!」

練樂儀 Alina

公大護理學高級文憑 Year 2

facebook:練樂儀

instagram: linlinlittle.jpg

咪以為 Alina係嗰啲唔讀書,淨係靠個樣搵食又無腦嘅 model,事實上佢係好有愛心嘅護士學生,喺公大讀緊護理學高級文憑 Year2嘅 Alina,決心要拎到護士資格,即使𠵱家要日日喺醫院實習對住病人嘅大小二便,佢都冇諗過放棄。

「我𠵱家喺神經科做實習,成日都會見到啲病人因為中咗風或者腦內臚出血,導致活動唔係好自如、手手腳腳又好僵硬,佢哋嘅家人都好難接受,難過同沮喪都在所難免。我見到佢哋唔開心,我自己都會好唔開心。因為曾經一個活動自如嘅屋企人,變到𠵱家崿瞓咗喺床。當我幻想佢就係我屋企人嘅時候,我就想對佢哋好好!所以唔會介意要去幫佢哋換片,難聽啲講抹屎抹尿,因為如果你當佢係你屋企人,你就唔介意做呢啲嘢,亦都唔會覺得護理係一項厭惡性嘅工作!

Alina本身係實習護士,但又同時係兼職模特兒,工作性質截然不同,佢話:「做護士幫到人,好有意義,但同時做 model成日可以接觸新鮮事,好好玩,希望將來可以成為正式護士,又可以得閒放假做下模特兒就最好!」

做實習天使其實一啲都唔輕鬆, Alina(左二)實習期間要日日 5點起身去醫院,仲慘過返工。

咪以為 Alina自己搬出去住,同屋企人嘅關係就唔好,其實 Alina想學吓自己獨立,佢仲話搬完出去住之後反而同屋企人關係親密咗。

撰文:葉浩婷

攝影:范仲良

鳴謝: MegaSea Ltd.

形象及化妝: Kika Wong


鍾意就快D Share啦!