杜 Sir點燈 小春小齊賊王撐本土 [FACE - 458] __,小春,杜琪峯,杜 Sir,小齊,任賢齊,陳小春,MF,

陳小春飾演嘅卓小強以香港賊王張子強為藍本，為人囂張又高調，專門綁架有錢人，最鍾意挑戰警方！#綁架有錢人貼圖區杜Sir點燈　小春小齊賊王撐本土近年合拍片氾濫，嚴重侵食本土電影文化，但其實行內仍然有唔少有心人出錢出力支持本土電影㗎！好似杜Sir杜琪峯監製新戲《樹大招風》，打正旗號純本土製作，資金雖然冇合拍片咁充裕，但勝在由導演到演員陣容都係出自香港班底，而林家棟、陳小春同任賢齊分別扮演香港三大賊王，相 ...

陳小春飾演嘅卓小強以香港賊王張子強為藍本，為人囂張又高調，專門綁架有錢人，最鍾意挑戰警方！

#綁架有錢人

貼圖區

杜 Sir點燈　小春小齊賊王撐本土

近年合拍片氾濫，嚴重侵食本土電影文化，但其實行內仍然有唔少有心人出錢出力支持本土電影㗎！好似杜 Sir杜琪峯監製新戲《樹大招風》，打正旗號純本土製作，資金雖然冇合拍片咁充裕，但勝在由導演到演員陣容都係出自香港班底，而林家棟、陳小春同任賢齊分別扮演香港三大賊王，相信香港人睇完一定會有共鳴！

杜 Sir鼎力支持，一班實力派演員好似黃光亮、林雪、歐錦棠同尹揚明等亦唔例外，齊齊唔計戲份只求為本土電影出一分力，新戲仲入圍柏林影展，賊王發威呀！

家棟同黑仔姜皓文戲中飾演好拍檔，好多時兩兄弟都會拍住上齊齊犯法搵食。

小齊（中）原本打劫為生，後來發覺原來走水貨仲易搵過打劫，利誘之下決定轉型撈水貨生意。

新戲《樹大招風》宣傳海報由杜 Sir親自操刀，估唔到平時勁有威嚴嘅杜 Sir，連影張海報都咁有風格，呢啲咪大師囉！

杜 Sir為本土電影身體力行撐到足，採用香港本土製作班底，戲中三位男主角任賢齊、林家棟同陳小春亦齊齊為本土電影出一分力。

小齊唔打劫改走水貨搵食，除咗紆尊降貴巴結高官，搵錢仲要少咗，做開大佬嘅小齊梗係條氣唔順

#走水貨定打劫

三個賊王之中，林家棟飾演的季炳雄行事最低調，就算撈完單大茶飯都唔捨得使錢，寧願住天台棚屋都唔住豪宅。

小春專門綁架有錢佬，而尹揚明就係鐵腳人員，每逢有大茶飯都會預埋對方。

採訪、撰文：娛樂組

來源 source: http://hk.face.nextmedia.com

鍾意就快D Share啦！

下一篇 》