收收埋埋 長駐橫店密拍 老鮮肉關智斌豪買 950萬樓 [FACE - 458] __,關智斌,MF,

上年關智斌做Twins演唱會嘉賓，台上阿Sa讚佢係橫店老鮮肉，證明Kenny真係長期喺橫店密密做。（網上圖片）真面目收收埋埋　長駐橫店密拍　老鮮肉關智斌豪買950萬樓繼劉愷威、鄭嘉穎後又一個北上掘金嘅例子，喺香港苦冇機會嘅前Boyz成員關智斌，08年開始北上拍劇，由小角色開始，直至13年拍《追魚傳奇》得咗，一上位，人仔自然來，身價亦升到20萬一集。雖未坐穩男一，但密密拍，揾到錢自然買樓。據知Ken ...

上年關智斌做 Twins演唱會嘉賓，台上阿 Sa讚佢係橫店老鮮肉，證明 Kenny真係長期喺橫店密密做。（網上圖片）

真面目

收收埋埋　長駐橫店密拍　老鮮肉關智斌豪買 950萬樓

繼劉愷威、鄭嘉穎後又一個北上掘金嘅例子，喺香港苦冇機會嘅前 Boyz成員關智斌， 08年開始北上拍劇，由小角色開始，直至 13年拍《追魚傳奇》得咗，一上位，人仔自然來，身價亦升到 20萬一集。

雖未坐穩男一，但密密拍，揾到錢自然買樓。據知 Kenny喺北京二環已有不少物業，上年仲喺香港買入西環浚峯 950萬單位。 35歲靚仔又多樓， Kenny唔只係老鮮肉，更加係筍盤，可惜絲打應該冇乜機會。

35歲關智斌為 Boyz成員，青靚白淨，可惜始終欠一個機會，但強國就乜都得。 Kenny 08年北上揾機會，初時由小角色開始， 13年終於憑《追魚傳奇》彈起，身價亦暴升至 20萬一隻，雖然唔係套套男一，但密食有排執，一年接 4部劇未停過。

浚峯位於西環，自從有地鐵後升值潛力優厚， Kenny買入嘅 950萬單位，自住或者投資都唔驚啦。

去年睇樓， Kenny着到去飲咁，因為佢之後真係要去 Yumiko婚禮。

狂買磚頭

Kenny幾乎成年喺橫店，早前出席 Twins演唱會，阿 Sa喺台上已講笑話 Kenny喺橫店老鮮肉，就知佢喺上面幾勤力。有錢就買樓，典型香港人嘅 DNA， Kenny亦深明此道，雖然身在橫店，但亦投資北京房地產，據知喺北京二環地段已有兩個物業揸手，而上年更喺香港買樓， 14年 9月初被途人認出去浚峯樓盤睇樓，連出席 Yumiko婚禮時都遲到，原來佢月中就扑鎚，買入一個 950萬單位，出手認真快狠準。

雖然 Kenny長駐大陸，又狂買樓，不過每次返香港都好積極做運動，香港人最近好興嘅行山，他亦都熱衷參與，做吓運動起碼唔會變咗個土豪返嚟囉！

大隻斌狂操肌

做得老鮮肉騷肌係正常，所以關智斌做 gym，以前喺排骨仔，家陣變咗肌男。（網上圖片）

關智斌唔只喺大陸揾到食，由以往書生 look，變為運動健將，經常喺微博放踩單車相同打泰拳相。（網上圖片）

網上圖片

關智斌 08年開始喺大陸拍劇，到𠵱家總算捱出頭，古裝劇常客， 14年拍住陳浩民拍《天天有喜 2》做男二。（網上圖片）

唔只古裝， Kenny 15年同黃聖依拍《好想聽你說愛我》，鮮肉拍時裝當然好睇啦。（網上圖片）

Boyz四子各行各路

Boyz成員唔係個個掂㗎，除咗關智斌同陳偉霆外，其餘兩位成員命運各異，張致恒仲喺大台捱緊，而麥子豪上年結婚𠵱家就喺丁子高公關公司打工。

陳偉霆

以前冇人知邊個，𠵱家喺大陸爆紅，仲上埋 2015福布斯中國名人榜的第 70位，上年仲以 2700萬買入北角半山柏傲山。最叻係佢啦。

張致恒

喺大台捱緊騾仔，最成功係食女無數，同緊 34D莊端兒一齊，冇名利但心中富有，都好過冇啦。

麥子豪

上年同女友結婚，據知 Dennis家底都唔錯，所以唔憂做，𠵱家係丁子高公關公司打工。

採訪、撰文：娛樂組

來源 source: http://hk.face.nextmedia.com

鍾意就快D Share啦！

下一篇 》