掃呢頁CODE去手機

2016年3月28日 星期一

【仲有3日完約】楊怡默認唔續約無綫:總有一天會再合作 __,無綫,楊怡,

羅仲謙同楊怡噚日sweetsweet咁新婚返港,點解佢哋結得咁突然?本報收到消息,係因為謙謙今年備受公司力捧,幫佢全力打開內地市場,咁兩個咪要經常分隔兩地?兼且內地咁多「飛來蜢」,楊怡唔驚就假嘅,咁謙謙唔想另一半咁擔心,決定結婚。謙謙公司甚至已經喺北京幫佢搵埋屋等佢長駐當地,咁楊怡點算?佢4月,即係3日後就會同大台約滿,噚日機場記者問楊怡續約成數大唔大,佢避談搞gag,話「我淨係知我今年一定會擺酒 ...




其他影片:>>






羅仲謙同楊怡噚日sweet sweet咁新婚返港,點解佢哋結得咁突然?本報收到消息,係因為謙謙今年備受公司力捧,幫佢全力打開內地市場,咁兩個咪要經常分隔兩地?兼且內地咁多「飛來蜢」,楊怡唔驚就假嘅,咁謙謙唔想另一半咁擔心,決定結婚。謙謙公司甚至已經喺北京幫佢搵埋屋等佢長駐當地,咁楊怡點算?佢4月,即係3日後就會同大台約滿,噚日機場記者問楊怡續約成數大唔大,佢避談搞gag,話「我淨係知我今年一定會擺酒囉。」本報收到消息楊怡係打算約滿就北上發展,順便跟住謙謙去北京發展。而楊怡今日出席無綫活動宣傳新劇,被問到約滿之後就會做「跟得夫人」,跟老公羅仲謙到北京發展,對此,佢用普通話做訪問表示︰「我覺得去內地或者去哪裡發展對藝人來說都是挺好的,因為多方面的發展嘛。他如果真的在內地發展也好啊,因為可以把內地的市場打開一點,我沒有工作的時候也會去探班,看一下他,所以我覺得在哪裡工作沒有問題。」係咪決定唔續約無綫呢?佢好隱晦咁話︰「我們還有一些細節要商量,現在還沒有一個答案。但是不管去哪裡,我在TVB的心是沒有變的,不管以後還在不在TVB工作。這個圈很小的,我覺得總會有一天會再合作的。所以自己也不擔心,最希望還是這個劇能夠收視會很好就可以了。」而來自單親家庭嘅楊怡,侍母至孝,噚日記者喺機場問婚後係咪仲同媽媽住,楊怡都好大反應話:「係呀!」咁楊怡咪成日要兩邊走,定係帶埋媽媽上去北京呢?

楊怡仲有3日就同無綫完約 今佢回應默認唔會續約,佢話:「我覺得總會有一日會再合作。」

鍾意就快D Share啦!