楊怡同羅仲謙上個禮拜二秘密喺英國註冊結婚，一對新人結束成婚之旅，有網民影到佢兩個同家姐楊卓娜喺英國時間乘坐噚日下午6點35分嘅航班出發，今日下午14:19返到香港，想睇機場o依家情況係點，撳呢條link啦﹕http://bit.ly/22EgGjh謙謙拖行李，楊怡幫手推，見傳媒即開心揮手，謙謙更搭住楊怡肩膊。兩人一現身即被大批傳媒包圍，一度混亂。穿上黑皮褸戴太陽眼鏡的楊怡，左手無名字戴住閃爆婚戒， ...
楊怡同羅仲謙上個禮拜二秘密喺英國註冊結婚，一對新人結束成婚之旅，有網民影到佢兩個同家姐楊卓娜喺英國時間乘坐噚日下午6點35分嘅航班出發，今日下午14:19返到香港，想睇機場o依家情況係點，撳呢條link啦﹕http://bit.ly/22EgGjh謙謙拖行李，楊怡幫手推，見傳媒即開心揮手，謙謙更搭住楊怡肩膊。兩人一現身即被大批傳媒包圍，一度混亂。穿上黑皮褸戴太陽眼鏡的楊怡，左手無名字戴住閃爆婚戒，合作地企定定讓記者影相。訪問中，謙謙輕輕搭住楊枱膊頭，謙謙更多次說:「我太太」，好sweet呀!謙謙透露今年向楊怡求婚，但未有透露求婚過程。楊怡和謙謙直言希望今次婚禮留自己一個甜蜜回憶，楊怡說﹕「今次想有個完美回憶。」問是否懷孕？她說﹕「我今日條腰都係得22寸。」另謙謙更應記者要求，錫楊怡額頭一啖。問及如何求婚？兩人都話要留番啲神秘感，所以唔講，只透露係今年內的事。楊怡謂求婚時有感動到喊，至於鑽戒幾卡？佢話:「幾多於唔重要，最重要係個心。」楊怡表示事前不知情，謙謙即說:「如果事先知我咪好渣？」問及兩人是否一齊住？楊怡大方承認係，又笑言:「所以你哋(指傳媒)唔使跟我喇。」謙謙謂返港會再擺酒，未有確實日期，但唔會喺圍村擺酒。對於婚事因為楊卓娜張相而曝光，楊怡笑言冇怪家姐。至於有指謙謙向公司講大話隱瞞婚事，謙謙指年初已同公司講過有成家之意，又說:「俾少少時間我哋，嚟緊好多嘢同大家分享。」楊怡亦稱公司對婚事沒有施壓。問楊怡是否習慣了被喚羅太？她笑笑口說:「唔好咁叫我，我擰轉面場先。」
知道楊怡謙謙同埋Stephy今日返香港，大批傳媒守候 。 攝影﹕葉君海 
半百傳媒守候 