2016年4月7日 星期四

當李克勤遇上葉蒨文 [壹週刊 - 1361] __,克勤,葉蒨文,李克勤,M1,

一直耷低頭覆短訊嘅克勤,難得唔使飛,可以一家人外出食飯家庭樂。同你吟一吟當李克勤遇上葉蒨文唔係講笑,要出戰《我是歌手4》,又要去巡唱嘅空中飛人李克勤,星期日(四月三日)又撲咗上合肥做商演,咁飛法,啲飛行里數容乜易就夠鑽石級。老婆盧淑儀幫手睇實頭家同兩個仔,克勤谷到「行」,成功打入總決賽,上星期四(三月三十一日),難得唔使飛,克勤把握機會,同老婆帶埋兩個仔去跑馬地食日本串燒,咁啱仲撞到葉蒨文陪個鬼佬 ...


一直耷低頭覆短訊嘅克勤,難得唔使飛,可以一家人外出食飯家庭樂。

同你吟一吟

當李克勤遇上葉蒨文

唔係講笑,要出戰《我是歌手 4》,又要去巡唱嘅空中飛人李克勤,星期日(四月三日)又撲咗上合肥做商演,咁飛法,啲飛行里數容乜易就夠鑽石級。

老婆盧淑儀幫手睇實頭家同兩個仔,克勤谷到「行」,成功打入總決賽,上星期四(三月三十一日),難得唔使飛,克勤把握機會,同老婆帶埋兩個仔去跑馬地食日本串燒,咁啱仲撞到葉蒨文陪個鬼佬 friend嚟開飯。

Ryan同 Rex早瞓,一家人食到八點埋單走,而 auntie Sally亦專登走埋出嚟,同克勤兩公婆傾多陣。

嗱嗱嗱,克勤因為參加《我是歌手 4》唱紅內地,跟手大量真人騷同商演搵上門,莎莉不妨託克勤搭路玩《我是歌手 5》,搵嚿錢傍身,肯定好過你成日同阿 Lam去走埠登台。

見到克勤一家,莎莉同盧淑儀攬晒,又𠌥低身撩克勤兩個仔,呢個 auntie好熱情。

莎莉講到唔停口,但兩個小朋友早瞓,克勤兩公婆一人拖一個,上車走人。

莎莉葉蒨文咁啱亦同個外籍朋友,去跑馬地食日本串燒。

打入《我是歌手 4》嘅空中飛人李克勤,三個月瘦超過十磅。

撰文:八珍


鍾意就快D Share啦!
Related Posts Plugin for WordPress, Blogger...