2016年4月7日 星期四

攰爆陳豪 當街趴地瞓陣 [壹週刊 - 1361] __,陳豪,M1,

新劇《來自喵喵星的妳》拍外景,拍被胡定欣追捕場口,陳豪走到氣咳。娛樂偵訊攰爆陳豪 當街趴地瞓陣「多仔公」陳豪(Moses)同結婚只有三年,密密造人!大仔梓樺(AidenJoshua)得兩歲,次子浩鋒(NathanLucas)僅一歲,第三胎小猴B5月又面世,排住隊!陳豪要照顧大肚豪嫂又要幫手湊仔,陪產前更要趕拍新劇《來自喵喵星的妳》,搞到人夫冇覺好瞓,開工例遲又頹爆!日前,劇組拉隊去上環開工,陳豪和 ...


新劇《來自喵喵星的妳》拍外景,拍被胡定欣追捕場口,陳豪走到氣咳。

娛樂偵訊

攰爆陳豪 當街趴地瞓陣

「多仔公」陳豪( Moses)同結婚只有三年,密密造人!大仔梓樺( Aiden Joshua)得兩歲,次子浩鋒( Nathan Lucas)僅一歲,第三胎小猴 B 5月又面世,排住隊!

陳豪要照顧大肚豪嫂又要幫手湊仔,陪產前更要趕拍新劇《來自喵喵星的妳》,搞到人夫冇覺好瞓,開工例遲又頹爆!

日前,劇組拉隊去上環開工,陳豪和胡定欣拍追捕場口,全程跑來跑去,爆陳豪竟然開開吓工瞓着!

慣性遲到

陳豪去年憑《鬼同你 OT》爭視帝敗陣,今年捲土重來,原班人馬開新劇《來自喵喵星的妳》。

生完又生,一於再生的陳豪,去年又搞大老婆個肚,豪嫂有咗,陳豪要幫手湊兩個仔,又要照顧老婆,去年尾拍完《完美叛侶》後,索性停工,直至上月才復出。

不過,屋企有大有細,自從做咗老豆,陳豪開工便出現慣性遲到。

「雖然有兩個工人姐姐幫手,但佢兩公婆都鍾意自己郁手湊仔,而家 Aimee(陳茵媺)又有咗,幫個仔沖涼、氹食飯之類嘅嘢,都落喺阿 Mo(陳豪)身上,呢輪仲開埋劇,日日拍完十幾粒鐘返到屋企仲要做多份(湊仔),鐵人都冧所以有時佢遲到,我哋都唔出聲!」劇組工作人員透露。

其他演員對戲,陳豪爭取時間補眠。

要湊仔又要拍劇,攰爆陳豪趴喺地下瞓着咗。

又仆又碌,陳豪賣力冇錫身。

大庭廣眾伸手入褲頭係咁𢱑,男神形象去咗邊?

跑到氣咳

自己知自己事,捱到殘的陳豪開工出外景,自備咖啡提神。由於當日主要拍攝追捕戲份,被胡定欣追到氣咳的陳豪重複又重複拍攝又仆又碌鏡頭,攰上加攰,但他仍落足力,親自上陣,只將較危險的跨欄動作,交替身代勞。

拍到下午,轉位拍另一場陳豪被制服在地上的戲份,瞓身拍了足足三粒鐘,陳豪力不透支,其他演員對戲時,他索性繼續趴喺地,補眠瞓一陣。

晨早通告,胡定欣一落車就黑面。

胡定欣擒高擒低,冇難度!

產假前搶拍

趕戲捱到金睛火眼,因為陳豪已經拎定產假,陪生。

「阿 Mo唔想影響到拍攝進度,所以一早已經同劇組傾好,集中將自己戲份盡量喺呢段時間拍晒先,因為之後佢要陪老婆又要湊多個,周身唔得閒!」劇組人員說。

陳茵媺同陳豪都主張自己落手湊仔。

陳茵媺肚皮無休假,生完一個又一個。

就快生得的陳茵媺日前過 35歲生日,大肚壽星 po相晒恩愛。

好姊妹戚黛黛、朱凱婷等都有現身為壽星送上驚喜,二人更摸着巨肚拍照留念。

明抄

陳豪在新劇中同胡定欣做夫妻,劇情指胡定欣為女兒放棄愛貓,明抄現實中的豪嫂陳茵媺。

扮演科學家的陳豪,在劇中同視后胡定欣合演夫妻,劇情指胡定欣為咗個女,打算遺棄愛貓,明抄現實中的豪嫂,當日因懷孕棄貓。對愛妻被愛貓人士斥責,早前陳豪再度幫口:「兩睇其實我明白我太太,佢鼻敏感嚴重,食藥食得好緊要,就算唔養貓都係咁。如果冇嘢嘅,當然大家(人貓)共存啦,世界大同嘛。」

力挽人氣

99年加入無綫的陳豪,事業扶搖直上,是師奶殺手,港女筍盤。作品《溏心風暴》、《公主嫁到》、《宮心計》等,套套擔正,收視又好,人氣高企,廣告價亦企硬。直至 13年,陳豪與拉埋天窗後係咁生,要陪產湊 B,陳豪大量減產,曝光率不及從前,加上 15年與蓋鳴暉合作《水髮胭脂》,收視差之餘,陳豪更被對手拖低,人氣急挫,為挽回一哥地位, TVB特意安排他與新一任視后胡定欣合作,助陳豪重振聲威。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...