2016年4月7日 星期四

使橫手硬搶 高海寧胸走新咪神張秀文 [壹週刊 - 1361] __,咪神,張秀文,梁政珏,陳婉衡,高海寧,M1,

娛樂偵訊使橫手硬搶 高海寧胸走新咪神張秀文大台高層改組後,余詠珊進一步緊握大權,方丈馬房藝人受重用程度有增無減。不過,機會要自己爭取,去年只開得一部劇的高海寧,得知王晶要幫無綫開新劇《賭城群英會》,並選中新一代34D咪神張秀文飾演其中一角,有殼王撐的高Ling眼見心謀,結果,在樂大媽幫拖下,踢走張秀文,成功硬着陸!大媽強插手一○年港姐亞軍張秀文,一直在無綫坐冷板櫈,直至去年暑假播出的《超強選擇1分 ...


娛樂偵訊

使橫手硬搶 高海寧胸走新咪神張秀文

大台高層改組後,余詠珊進一步緊握大權,方丈馬房藝人受重用程度有增無減。不過,機會要自己爭取,去年只開得一部劇的高海寧,得知王晶要幫無綫開新劇《賭城群英會》,並選中新一代 34D咪神張秀文飾演其中一角,有殼王撐的高 Ling眼見心謀,結果,在樂大媽幫拖下,踢走張秀文,成功硬着陸!

大媽強插手

一○年港姐亞軍張秀文,一直在無綫坐冷板櫈,直至去年暑假播出的《超強選擇 1分鐘》,玩遊戲晒 34D即成為亮點,獲封高登女神,才開始不停出騷做節目。

「王晶開賀歲片《賭城風雲 3》已經搵過 Sammi(張秀文),又預埋佢拍《賭城群英會》,雖然戲份唔算多,但比起之前拍嗰啲連角色名都嗌唔出嘅,算係好好。不過到演員名單出咗,突然有人反對,話要換高 Ling入去!高 Ling一直係樂易玲嘅人,開會搵人做嘢敲定演員,樂小姐好多時都會建議大家諗咗高 Ling先,但呢兩年因為 Sandy(余詠珊)得勢,高 Ling先至少咗嘢做。」知情者說。

雖然張秀文亦有藝員科代出頭,但和殼王一樣有偈傾的樂大媽決定硬闖,又親自出面,游說揸庄的王晶,經過一番擾攘,最後成功叮走張秀文,換上高海寧。

09年,高 Ling在遊戲節目《五覺大戰》中胸頂象鼻成熱門話題,自此人氣爆升。

張秀文在《超強選擇 1分鐘》玩滑水,胸壓滑梯即成高登宅男女神。

今年賀歲片《賭城 3》,王晶也有起用張秀文,反而高 Ling冇得留低。

去年高 Ling有份演出的《賭城 2》雖戲份少,但出場時晒 34D搶晒鏡。

李施嬅𢱑撈

日前,劇組在觀塘一幢工廈試造型,落雨陰天依然戴住黑超的高海寧最先現身,其後梁琤、陳法蓉、黃浩然、鴨王何浩文等亦陸續到,至於女一佘詩曼,在兩名助手陪同下壓軸到場。

「其實除咗高 Ling,馬(國)明個角色本來想用黃宗澤,不過因為啲期就唔到阿佘嗰邊,先搵馬明代替,而原本歐陽震華個角色就換咗阿叻,阿叻落場,大家都覺得個劇有可能變咗笑片。《賭城群英會》係重頭劇,所以有好多做唔做都係咁嘅藝員,都主動拍門,好似專心拍拖嘅李施嬅,都特登搵王晶睇吓有冇角色啱自己。」知情者說。

黃浩然跟何浩文做男二,後者跟文凱玲再做情侶。

一班演員早前到工作室試造型,其中有王晶班底演員梁琤及陳法蓉。

開工前,高 Ling在微博問人若在內地,有咩方法上 fb同 ig。

試造型當日,高 Ling落雨依然戴黑超,星味十足。

佘詩曼孭飛做女一,同馬明有對手戲,亦跟謝賢有唔少戲份。早兩日出發去開工,她亦有上載照片。

鴨王女文凱玲有份演出新戲,開工前特登將長髮剪短。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...