掃呢頁CODE去手機

2016年4月25日 星期一

周永恒苦等四日嚇親阿女 學校險報警! __,周永恒,

周永恒自爆為咗見阿女喺學校門外等咗4日,但阿Yu就話嚇親阿女,學校有可能會報警!被譽為「世紀賤男」嘅周永恒(Roy)醜事一籮籮,早前亮相ViuTV節目被問及家事時爆粗走人,而ViuTV表示Roy清楚成個拍攝內容,佢聞言即寸爆表示:「有知覺有感受㗎成個過程!我起初覺得好憤怒,我都難受,頂咗半個鐘先變成咁!」Roy指到達錄影廠已經覺得「唔對路」,感覺似被批鬥同被抽水,所以最後都拒絕咗同電視台簽授權協議 ...


周永恒自爆為咗見阿女喺學校門外等咗4日,但阿Yu就話嚇親阿女,學校有可能會報警!

被譽為「世紀賤男」嘅周永恒(Roy)醜事一籮籮,早前亮相ViuTV節目被問及家事時爆粗走人,而ViuTV表示Roy清楚成個拍攝內容,佢聞言即寸爆表示:「有知覺有感受㗎成個過程!我起初覺得好憤怒,我都難受,頂咗半個鐘先變成咁!」Roy指到達錄影廠已經覺得「唔對路」,感覺似被批鬥同被抽水,所以最後都拒絕咗同電視台簽授權協議書。

唔止係賤人 自認X街

而Roy就同創作歌手兼好友梁奕藍出席網台節目《男神實驗室》,接受《東網》訪問時,提到同分居嘅妻子趙頌茹(Yu)過往嘅事情,Roy直言已經唔想重提,謂:「件事唔係得我一個,你話我係罪人又好,賤人又好,都有其他受害者。Honestly,以前畀人講都啱嘅,都係一個X街嚟,點止係賤人呀講真!」其後Roy理直氣壯話過去一年多已經承受咗好多負面壓力,仲叫大家唔好再消費佢嘅過去,不過自己喺依段時間都反省咗好多,更坦言雖然已經做唔到家庭支柱,都想喺事業上有所發展及負上照顧兩個女嘅責任。

見到個女撲過去

問到Roy可有喺呢段期間見過兩個女?佢就自爆今年年頭喺好友梁奕藍陪伴下,曾經到達5歲大女信希所就讀嘅幼稚園門外苦等四日:「見到個女忍唔住即刻撲過去,但見到佢又好似唔係好熟咁,跟住有個保母抱番佢入學校。之後又打電話,又唔敢出嚟。轉個頭阿Yu就message我,話咁樣搞會搞到學校報警,其實我都唔知我搞咗啲咩出嚟。」

趙頌茹「信希都話唔想見」

而記者就聯絡阿Yu問及此事,佢透過短訊回應:「係呀,周生突然嘅出現再加上佢嘅狀態真係嚇親咗信希,所以之後信希都話唔想見因為覺得好驚,而當時老師有打電話畀我話如果周生再唔走,學校為咗保護小朋友就可能有需要報警。」


來源 source: http://hk.on.cc
鍾意就快D Share啦!