現年47歲的89年港姐季軍梁佩瑚，今日喺三亞跟相識一個月的蒙古商人郭雲飛閃婚，佢接受電話訪問開心表示：「我哋識咗好短時間，一個月就決定結婚，因為佢離咗婚想搵老婆，自己又想搵老公，所以一拍即合，我哋係加拿大uncle介紹，我個人好爽快，唔想嘥時間，佢仲細我一歲，呢個歲數事業有成嘅男士，可能鍾意後生女，第一次見面佢唔發現我咁老，我仲大佢一歲，當我講咗俾佢知之後，佢話唔緊要，仲同我講試過同90後交往，嗰啲女仔要買包包，係為咗錢同佢一齊，佢知道我唔係為錢。」有份出席飲宴嘅戴辛尉說：「佢哋好恩愛，兩個月前第一次見面介紹我識佢老公，佢老公係蒙古人，做生意成日周圍飛，有時喺香港陪佩瑚，佢老公好有趣、幽默，識聽廣東話但唔識講，接新娘要佢用廣東話講愛的宣言，圈中人有吳婉芳契姐身份出席做姐妹。」梁佩瑚在婚禮上有有喊？威威話：「好多人都喊，佢好感動，佢喺台上多謝雙方父母都眼濕濕。」威威仲話一對新人安排親友住好靚酒店，婚禮主題係粉紅色，姐妹全部好配合着粉紅裙。有份去三亞飲喜酒嘅余宜發今日喺電話度戥梁珮瑚高興，佢話:「我同梁珮瑚係識咗10幾年嘅好朋友，佢半年前通知我話要結婚，叫我哋班朋友留定今日去三亞飲喜酒。佢同佢老公識咗一年左右，係朋友介紹佢哋識嘅，兩個都中意打golf。」問今日新娘結婚時有冇感動到喊？余宜發就話:「冇喎，反而佢身邊朋友就感動到想喊。婚禮上好多人叫梁珮瑚嘴，佢話大家叫到佢就嘴啦，好戥佢開心！」
來源 source: http://hk.apple.nextmedia.com
|
鍾意就快D Share啦！
|
|
|
