掃呢頁CODE去手機

2016年4月25日 星期一

【自爆大肚5個月】前主播蔡雪瑩婚禮花費百萬 預產期9月 __,蔡雪瑩,

現年29歲嘅無綫前女主播蔡雪瑩,今日喺灣仔君悅酒店擺酒同上市公司太子爺朱威霖(William)結婚。之前傳佢有身孕在身,今日佢都話喜事暪唔住,自爆已經懷孕5個月,預產期係今年9月。蔡雪瑩傍晚6點左右同老公William一齊出嚟接受訪問,一對新人分別同8個姊妹及9個兄弟大合照,兩公婆仲2次咀嘴,十分sweet。蔡雪瑩透露剛才蹺住入場嘅男親友係佢哥哥,今晚會筵開70席,現場佈置除咗玫瑰,仲有薰衣草,蔡 ...




其他影片:>>






現年29歲嘅無綫前女主播蔡雪瑩,今日喺灣仔君悅酒店擺酒同上市公司太子爺朱威霖(William)結婚。之前傳佢有身孕在身,今日佢都話喜事暪唔住,自爆已經懷孕5個月,預產期係今年9月。蔡雪瑩傍晚6點左右同老公William一齊出嚟接受訪問,一對新人分別同8個姊妹及9個兄弟大合照,兩公婆仲2次咀嘴,十分sweet。蔡雪瑩透露剛才蹺住入場嘅男親友係佢哥哥,今晚會筵開70席,現場佈置除咗玫瑰,仲有薰衣草,蔡雪瑩表示:「我好鐘意薰衣草,之前喺澳洲影婚紗諗住睇,點知見唔到,今日喺場地用返。」問佢係咪雙喜臨門?蔡雪瑩係咁笑話:「其實冇得暪,已經5個月。」問到係仔定女?William話:「仔嚟嘅,老爺好開心,預產期係9月左右。」佢哋話度蜜月就等埋BB出世先再補去,William在旁笑言:「應該有嘅。」問到求婚過程,蔡雪瑩叫老公講話:「我講咗好多次。」William就話:「知道佢有咗就好開心,情人節當日喺酒店book咗張檯,安排咗架花車去我屋企,又準備啲朱古力,好似bell boy咁,我同佢(蔡雪瑩)講有surprise,當晚就食飯同佢求婚。」蔡雪瑩話:「我全日都好似有啲緊張咁,都知道有啲嘢發生,都估到。」當時感動到喊?蔡雪瑩表示:「有少少感動,但唔嚴重。」問係咪出動求婚三寶?William話:「係呀,跪地,花同戒指。」當時蔡雪瑩都有放上網,隻鑽戒都幾大粒,問到有幾多卡?William話:「心意嚟o架,唔記得啦。」咁愛的宣言呢?William笑言:「我今日已經將身體簽咗俾佢,卡任碌,袋任買。」蔡雪瑩即話:「唔好講咁多,一生一世咁開心咁愛我就得。」問到佢哋比大家幾多分,兩人互相俾100分,咁老爺比幾多分?William話:「101分,有埋仔喎,買大送細。」記者提佢:「會唔會買一送二好啲?」佢話:「係呀係呀。」問老爺有咩禮物送比個孫,William話:「唔知,不過Daddy好開心。」會追多個?蔡雪瑩好大反應:「第一胎都未生喎!」問到今朝接新娘,蔡雪瑩話今朝吉時有啲趕,只係玩咗一兩個遊戲,話一班姊妹便宜咗班兄弟,問佢婚後會否唔做嘢,佢話:「未諗,但係之前簽咗啲約,廣告嗰啲就會繼續,新工作就睇形式。」以後做嘢乜都要問老公?蔡雪瑩話:「佢唔係咁專制。」William就話唔想老婆咁辛苦。問到今日條婚紗裙好長,問佢著左幾吋鞋?蔡雪瑩就話3吋幾,問到係咩品牌,佢話係本地設計師朋友幫佢設計,而姊妹當中,原來仲有一位冇出嚟影相,蔡雪瑩有一位係現職主播,所以就唔太方便出嚟俾傳媒影相,而William就透露婚禮用咗7位數。

攝影﹕陳俊強 原來唔出嚟影姊妹相嘅現職主播就係張文采
一對新人好sweet
連咀2次

鍾意就快D Share啦!