2016年4月7日 星期四

敖嘉年玩秘婚夫妻檔做老闆吸金 __,敖嘉年,

敖嘉年玩秘婚夫妻檔做老闆吸金憑「排骨仔」一角彈起、近期在新劇《末代御醫》飾演光緒帝的敖嘉年,趁着今日與圈外女友相戀16年的紀念日,向本報獨家「洩蜜」早前已升呢做人夫!近年於無綫未見代表作的他,原來與太太低調開廣告公司,又獲邀返內地拍電影,實行雙線發展!敖嘉年與女友遠赴加拿大行婚禮,費事畀人撞破啦!近期娛圈秘婚浪接浪,憑劇集《巾幗梟雄之義海豪情》中「排骨仔」一角彈出的敖嘉年,原來早前已與圈外女友於加 ...


敖嘉年與女友遠赴加拿大行婚禮,費事畀人撞破
敖嘉年玩秘婚夫妻檔做老闆吸金憑「排骨仔」一角彈起、近期在新劇《末代御醫》飾演光緒帝的敖嘉年,趁着今日與圈外女友相戀16年的紀念日,向本報獨家「洩蜜」早前已升呢做人夫!近年於無綫未見代表作的他,原來與太太低調開廣告公司,又獲邀返內地拍電影,實行雙線發展!敖嘉年與女友遠赴加拿大行婚禮,費事畀人撞破近期娛圈秘婚浪接浪,憑劇集《巾幗梟雄之義海豪情》中「排骨仔」一角彈出的敖嘉年,原來早前已與圈外女友於加 ...


敖嘉年玩秘婚夫妻檔做老闆吸金

憑「排骨仔」一角彈起、近期在新劇《末代御醫》飾演光緒帝的敖嘉年,趁着今日與圈外女友相戀16年的紀念日,向本報獨家「洩蜜」早前已升呢做人夫!近年於無綫未見代表作的他,原來與太太低調開廣告公司,又獲邀返內地拍電影,實行雙線發展!

近期娛圈秘婚浪接浪,憑劇集《巾幗梟雄之義海豪情》中「排骨仔」一角彈出的敖嘉年,原來早前已與圈外女友於加拿大秘密結婚!入行多年的嘉年一直鮮有緋聞,他坦言今日是與太太相戀16周年的紀念日,故大膽「洩蜜」爆出「升呢」人夫的好消息。

從在外國拍攝的婚照所見,兩夫妻舉止親密甚合拍,嘉年與「敖太」肉緊牽手兼攬實對方纖腰,流露幸福笑容!作風低調的嘉年受訪時坦言,由拍拖至結婚均被另一半下「封嘴令」:「太太喺外國長大,唔鍾意我講感情事,所以我好少提。(點求婚?)唔好講喇!(加拿大行婚禮?)冇圈內人嚟婚禮,淨係家人食餐飯。我哋唔係大富之家,唔需要搞大龍鳳。」提到今日是兩人相戀16周年,嘉年笑言平時愛遷就太太及送驚喜:「佢今日都要開工。(畀咩驚喜佢?)我雖然唔太浪漫,但驚喜平時都會做。(點維繫感情?)遷就吓,都係我遷就佢多!」

阿媽話唔使生:好辛苦

問到有否打算生BB?嘉年坦言隨緣:「家人又冇催我哋,唔需要特別有呢個重擔。我媽仲話唔使生啦,好辛苦!我又冇咩所謂。(同太太設下目標日後生BB?)冇諗過。」

敖嘉年影婚照時拖實又攬實女友,甜蜜滿瀉。(黑白圖片)
  • 敖嘉年影婚照時拖實又攬實女友,甜蜜滿瀉。(黑白圖片)
  • 放大圖片
敖嘉年話女友愛低調,今次秘婚都係靜靜雞話畀大家知!
  • 敖嘉年話女友愛低調,今次秘婚都係靜靜雞話畀大家知!
敖嘉年的新劇近日熱播。
  • 敖嘉年的新劇近日熱播。

嘉年曾於台慶頒獎禮及馬來西亞分別奪得「飛躍進步男演員」及「我的最愛電視男配角」兩獎,躍身為無綫二線小生,可惜其後未再有代表作,一直默默拍劇卻陷入低潮!嘉年坦言曾打算轉行,還自爆早年與太太低調成立廣告公司做老闆:「自己想試吓,由太太打理。佢由外國記者到依家做廣告Producer!(夫妻檔拍住上?)搵食啫!」

對於得獎後星途平平,嘉年指獎項只是次要,缺乏觀眾緣就「跪地都冇用」:「獎項個個都想攞,但唔係自己猛咁做就攞到。(2010年攞獎後沉寂咗?)攞完就一定有期望,但慢慢發現現實同會習慣咗,觀眾唔鍾意睇你,你真係跪喺度都冇用!所以我盡量做,做到有一日冇工開咪轉囉!我考咗24噸貨車牌,咪揸貨車囉!」經歷低潮的他直言曾經鑽牛角尖,但幸得太太開解:「太太都支持我轉行,試過冇乜嘢做嘅時候發自己脾氣,仲影響埋做嘢,好在我有太太喺身邊支持我。」

獲賞識「打」入內地拍戲

雖然演藝工作一度陷低谷,但嘉年憑武功底子,依然獲導演賞識,最近便邀請他與鹿晗及井柏然等參演於內地爆紅的《盜墓筆記》電影版,終可一展拳腳專長:「導演同我都鍾意功夫,佢一見我就問有冇期去拍!套戲好多特技,依家做緊後期。(以往喺無綫較少晒功夫?)係!佢哋好多替身,可能驚我受傷。(想自己做番動作戲?)唔太危險嘅都想,太危險就驚會受傷而影響拍攝。(無綫開綠燈畀你去內地發展?)樂小姐(樂易玲)同珍姐(曾勵珍)都支持,想試吓兩邊發展。」

文:影視組


鍾意就快D Share啦!
Related Posts Plugin for WordPress, Blogger...