2016年4月7日 星期四

JW衞蘭李幸倪圍攻 人妻吳雨霏笠水唔玩 [壹週刊 - 1361] __,衞蘭,李幸倪,吳雨,JW,吳雨霏,M1,

探熱針JW衞蘭李幸倪圍攻 人妻吳雨霏笠水唔玩吳雨霏(Kary)去年初與三度離合的初戀男友洪立熙(Brian)結婚做人妻後,一直玩多過做,與老公周圍飛歎世界的她,原本打算今年再發力,但見到JW、衞蘭及同公司的李幸倪(GinLee)來勢洶洶,Kary笠水,以讀書考大學學位為由,臨陣退縮!憶蓮幫手去年二月續約環球及推出唱片《艷羨》後,吳雨霏便展開她的悠長假期,與老公Brian密密出埠度假。「隻碟有幾首歌 ...


探熱針

JW衞蘭李幸倪圍攻 人妻吳雨霏笠水唔玩

吳雨霏( Kary)去年初與三度離合的初戀男友洪立熙( Brian)結婚做人妻後,一直玩多過做,與老公周圍飛歎世界的她,原本打算今年再發力,但見到 JW、衞蘭及同公司的李幸倪( Gin Lee)來勢洶洶, Kary笠水,以讀書考大學學位為由,臨陣退縮!

憶蓮幫手

去年二月續約環球及推出唱片《艷羨》後,吳雨霏便展開她的悠長假期,與老公 Brian密密出埠度假。

「隻碟有幾首歌雖然係林憶蓮同恭碩良做監製,不過都幫唔到幾多, Kary又冇乜做宣傳,一月喺美國註冊,七月又去咗意大利搞婚禮,剩低嘅時間,都係同老公周圍飛,只係偶然做吓品牌活動,音樂方面嘅 job幾乎停晒。」知情者說。

Gin Lee

與 Kary同門的 Gin Lee,得到環球力捧,第一首主打歌《雙雙》雄踞電台的 no.1位置,第二 plug《月球下的人》與陳奕迅首《月球上的人》前後呼應,加上未出碟已開音樂會,行內行外均睇好。

JW

轉咗蚊型公司 Sunny Idea後,一首《矛盾一生》令 JW人氣幾級跳,第二 plug《多少年》亦是水準之作,今年擺明要搶獎升呢。

Janice

去年 6月簽約華納的 Janice,匿埋錄歌做新唱片,終於有新歌《穿花蝴蝶》,曲風大不同外, Janice仲日日在 facebook玩 live,捲土重來。

驚唔夠砌

人妻原定今年重新發力投入工作,卻撞正 JW、衞蘭及同公司的 Gin Lee夾擊, Kary秤過度過,決定唔玩。

「 Kary諗住今年試新嘢,亦打算入紙申請紅館開第三次個唱,後來見到 JW、 Janice同 Gin Lee三個都係今年落重料,佢哋幾個都係賣實力, Kary覺得如果一齊硬撼,萬一唔夠砌,唔單只樣衰,甚至會影響自己再上。所以佢寧願拖到出年,睇定啲形勢先再算,避戰唔使輸,起碼可以保住現有嘅位置。」

07/2015

意大利結婚之旅

11/2015

火辣遊峇里

12/2015

蒙古探訪團

內憂外患

選擇退守, Kary更以讀書做擋箭牌。

「 Kary對外話自己今年想讀書,要進修數學、英文同考番個大學學位,但佢事前完全冇同公司講,其實講乜都係唔想做炮灰,加上環球要捧 Gin Lee,佢覺得公司未必會放太多資源俾自己,內外受敵,去讀書係最好藉口。」

01/2016

首爾浪漫遊

02/2016

澳洲避寒

03/2016

日本賞櫻花

出自家品牌

出身富貴又有老公養, Kary做跟得夫人陪老公出埠公幹外,亦準備搞品牌生意。

「出自家品牌係潮流, Kary近年除咗幫老豆搞屋企自家品牌 Tee Locker外,亦開始籌備個人品牌,不過仲有好多細節未定好,其實佢好多時飛外地唔單只玩,仲會傾吓合作,為開檔做籌備。」知情者說。

人妻 Kary本來計劃今年以新形象配新曲風出現,但因撞正 JW、 Janice及 Gin Lee三位唱得之人,只好明年再出擊。

努力讀書的 Kary,多次在 ig上載溫習相,提醒大家她要以學業為重,唱歌留番下年先搏殺。

Kary的父母對她寵愛有加,無論愛女想做乜,都會全力支持。

早幾年仲係地獄廚神的 Kary,婚後愛上煮嘢食,廚藝更幾級跳,很享受家庭主婦的生活。

去年 2月,續約環球唱片後推出新唱片《艷羨》,不過冇乜宣傳,又欠大熱歌曲,所以反應唔多好。

想搞自家品牌

一直都想搞自家品牌的 Kary, line up了 Tee Locker與叱咤 903合作。據知, Kary已有計劃出自家品牌,與唔同品牌合作搞 crossover。

鄧麗欣  LOEY

14年, Stephy斥資一百萬與朋友在內地合作搞時裝品牌 LOEY,不過款式略嫌老土,唔夠潮。

周柏豪  XPX

見余文樂搞 MADNESS咁成功,周柏豪亦跟風搞咗個 XPX來走韓風路線,成績不錯。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...