掃呢頁CODE去手機

2016年5月30日 星期一

【認戀國產模】陳冠希眾目睽睽搲下體 當街調情拍女友屁股 __,陳冠希,

陳冠希(Edison)同新女友加埋一眾友人,噚晚大約7點20分喺大坑出沒,佢哋一行人四男三女喺楊秀惠開嘅刨冰店門口打躉。Edison同埋一班朋友就好似成班街童咁坐喺街度煲煙,唔知係咪之前俾人影過佢哋就有所防範,不時周圍望,好驚俾人影到咁。當佢哋以為冇人影佢哋嘅時候就開始鬆懈,原形畢露,Edison扯完煙之後就拖住個白衫嘅女仔,拉拉扯扯,之後仲將女仔個頭拉落自己條腰側邊,都唔知係有所暗示定係好似熱戀 ...




其他影片:>>






陳冠希(Edison)同新女友加埋一眾友人,噚晚大約7點20分喺大坑出沒,佢哋一行人四男三女喺楊秀惠開嘅刨冰店門口打躉。Edison同埋一班朋友就好似成班街童咁坐喺街度煲煙,唔知係咪之前俾人影過佢哋就有所防範,不時周圍望,好驚俾人影到咁。當佢哋以為冇人影佢哋嘅時候就開始鬆懈,原形畢露,Edison扯完煙之後就拖住個白衫嘅女仔,拉拉扯扯,之後仲將女仔個頭拉落自己條腰側邊,都唔知係有所暗示定係好似熱戀期嘅情侶咁晒恩愛。Edison呢個白衫新女大有來頭,係號稱「中國首位全裸模特兒」秦舒培,o依家25歲咋!佢哋成班人坐咗大約半個鐘之後就開始走人,Edison就逐一同佢哋攬攬say bye。不過有兩個女性友人睇落有啲見外,可能係啱啱先識Edison。跟住重點就嚟喇!陳冠希唔知係咪下體痕癢,突然當住咁多人喺個拉鍊位附近係咁搲,搲足成5、6秒,真係當其他人冇到,果然係「放縱不羈」呀!轉身走嗰時仲要拍一拍女友屁股打情罵悄,秦舒培之後又攬下Edison條腰摸下手仔咁。跟手佢哋一男兩女就上咗Edison架七人車離開。期間因為中環大塞車,佢哋又煙癮起喎,跟住有隻好似係女仔手伸出車窗「戥」煙灰,點知佢就好冇公德心,食完就周街彈煙頭,同Edison上次食完煙乖乖掉落垃圾桶相差甚遠。之後架車就駛去中環士丹利街間大平館食嘢,一個鐘之後就見到成班人,有大人有細路喺餐廳走出嚟,原來一早已經有班friend喺到等緊Edison。睇嚟佢哋真係好怕俾人影,出到嚟四圍望。期間有個大人拖住個似係啱啱識行冇耐嘅小朋友,個小朋友突然間係咁喊,Edison就父愛大發踎低o氹個小朋友,不過成堆人圍住晒就唔知佢成唔成功。最後Edsion就同女友上番車駛去上環蘇杭街The Jervois精品酒店,佢哋喺lobby等lift嗰陣仲要嚟個情深一吻,再次無視其他人嘅存在。本報今日透過Edison經理人公司恭喜佢有新戀情,Edison透過公司回應默認戀情:「我o依家好開心,多謝關心!」

攝影﹕徐錦池、畢紹基、吳耀輝 Edison同班朋友成班街童咁坐喺街
Edison出手搲喇! 搲咗好enjoy咁喎…
Edison個表情呢…
當街拍新女屁股
去到酒店lobby都要激咀

鍾意就快D Share啦!