食客無柯打食物長霸座位，老闆忍足4小時終發火。(fb「文人多說話」影片截圖)
租金昂貴，如果有客人坐足4個鐘兼間中瞓覺，而且並無柯打食物，作為老闆的你，會如何應對？近日流傳一條影片，拍片者稱，有食客在茶餐廳內由早上9時許坐到中午1時，「仲瞓覺，足足4個鐘！」老闆發火大罵，食客竟「兇返個老闆！」
短片一開始，老闆大聲說：「4個鐘頭食咩嘢呀？」食客施然回應：「唔Ｘ得呀？」雙方之後互相怒望，約5秒後，老闆再質問：「你而家喺到做咩嘢呀？9點鐘坐到而家！」食客回應：「食嘢囉！」老闆攤開雙手問他「要諗幾耐」，食客繼續回答：「諗呀！諗呀！」
老闆無奈，行開前拋下一句：「咁你坐喺到諗一諗，諗完話我聽。」食客卻又「挑機」問：「點呀？報警吖？」老闆之後再次上前，「依家你想點呀？」食客站起身：「點呀？」片段之後完結，並無交代最終食客有否柯打任何食物。
看過片段的網友坦言「無恥則天下無敵」，有網友則指老闆太好人，容忍食客齋坐4小時才質問，亦有網友指遇着這些食客應該報警，但也有網友指報警並無用處。
來源 source: http://hk.on.cc
|
鍾意就快D Share啦！
|
|
|
