做女人真係唔可以懶！呢句真係金句。
藝人陳自瑤（Yoyo）由少女時代入行至今，轉眼間已為人母，從未有息影念頭的她近來更愈操愈fit，憑23吋腰受大批網民力捧為新一代索爆人妻，而今次Yoyo更會全方位逐點分享其美容瘦身之道！
現年34歲的藝人陳自瑤（Yoyo）雖然已為人母，但不論身形抑或容貌亦保養得宜，受網民歡迎程度更力壓「至索人妻Kay」謝安琪！由少女升呢做人母，Yoyo期間亦從未想過放棄其演藝事業，仲努力操fit身形，爭取更多機會，惟談及她的美容瘦身之道時，她則直言：「與其話我keep得好，倒不如話我飲食習慣本身唔會食肥人，因為我係本身就鍾意食得好清淡，零食又少食，而且我係唔鍾意食甜嘢，又唔鍾意飲汽水，所以真係無乜點戒口。不過我每日都一定會食一碗飯，覺得咁樣先會夠氣夠力！」Yoyo既不愛甜食，又主張吃清淡菜式，要keep住其23吋腰可謂易如反掌！
敷mask保青春
除了食得健康外，身兼兩職的Yoyo平日更會於百忙之中抽空運動，以增強肌肉及身形線條：「我每星期都會抽兩、三日做運動跑吓步，平時都會喺屋企開住啲教學碟跟住做瑜伽，修線條！」其後Yoyo又謂：「除咗運動、飲食，其實皮膚保養都好緊要，我自己平時都有做開facial，見住美容院個個都keep得好靚好滑，有次我就忍唔住行去請教佢哋有啲咩美容秘訣，之後佢哋同我講原來係日日敷mask，勤力啲嘅話早晚敷一次，我聽完個吓內心都驚嘆講句：『做女人真係唔可以懶！』自此之後我就日日敷cream mask，之後細紋、膚色問題都改善咗好多。所以真係唔可以恃住後生青春就唔保養，反而應該喺最好狀態嘅時候就要開始保養！」
場地：mYoga
來源 source: http://hk.on.cc
|
鍾意就快D Share啦！
|
|
|
