掃呢頁CODE去手機

2016年5月30日 星期一

MMA打入球場!唐紫睿出茅招摑鄧穎芝 __,鄧穎芝,唐紫睿,

鄧穎芝(右下圖)同唐紫睿打交打上癮,打籃球打到好似打MMA咁,認真火藥味濃!女藝人鄧穎芝(Vangie)、唐紫睿(Hazel)、梁靖琪、陳偉琪(Vicky)、趙哲妤、SiS樂印姐妹、莫穎彤等參與「Panasonic學界籃球邀請賽」嘅名人賽事,八位靚女換上波衫落場獻技,獲得全場歡呼!將MMA格鬥技搬到籃球場最近Vangie同Hazel憑格鬥節目為人熟識,兩人打交打上癮,將MMA格鬥技搬到籃球場上,兩 ...


鄧穎芝(右下圖)同唐紫睿打交打上癮,打籃球打到好似打MMA咁,認真火藥味濃!

女藝人鄧穎芝(Vangie)、唐紫睿(Hazel)、梁靖琪、陳偉琪(Vicky)、趙哲妤、SiS樂印姐妹、莫穎彤等參與「Panasonic學界籃球邀請賽」嘅名人賽事,八位靚女換上波衫落場獻技,獲得全場歡呼!

將MMA格鬥技搬到籃球場

最近Vangie同Hazel憑格鬥節目為人熟識,兩人打交打上癮,將MMA格鬥技搬到籃球場上,兩人賽前已不甘示弱鬥拗手瓜,仲出動鎖技互相纏鬥一番,「火藥味」十足!跳波嗰陣旁述以格鬥好手介紹兩人,Hazel即向Vangie起飛腳示威,非常搞笑!比賽期間Hazel狠狠Mark實Vangie,仲施展「追魂掌」打中Vangie,結果被吹罰,摸住塊面嘅Vangie笑住大叫:「打波打埋人呀你!」但係佢兩個老友鬼鬼,當然冇真係嬲嬲豬

Vangie表現超勁

而Vangie全場表現超勁,一落場即跳投成功得兩分,其後愈戰愈勇,面對一眾男對手都完全唔怯場,結果全場共得16分包括兩球三分波,技驚四座!不過,最後籃總名人邀請隊憑藉其他男隊員嘅優秀表現,以48分比46分險勝由Vangie代表嘅警察籃球大使隊。

畀人打一拳唔開心

賽後Vangie相當滿意自己表現:「之前嚟修頓室內場睇波就多,今次係第一次出賽,好享受!(覺得Hazel茅?)唔係,打波梗係有身體碰撞嘅,但畀人打一拳唔係咁開心囉!」

苦練再向Vangie挑戰

講到最後Vangie射失關鍵罰球,結果未能贏波,Vangie笑言已盡力,而且玩邀請賽最緊要享受過程。而Hazel狂讚Vangie球技精湛,自己已十幾年冇打波,目標苦練一年後再向Vangie挑戰,佢搞笑話:「原本諗住用身高優勢贏佢,但佢真係好快!」


來源 source: http://hk.on.cc
鍾意就快D Share啦!