2016年6月18日 星期六

性格有別 葉蒨文爆同林子祥分房瞓 __,葉蒨文,林子祥,

葉蒨文接受汪曼玲訪問,自爆同林子祥(右)嗌交,揀分房瞓解決問題!歌手葉蒨文(Sally)日前現身有線節目《星級會客室》,出名孝順的Sally談到前年父親離世,對她造成很大打擊:「我陪咗佢3、4年,但都係照顧得唔夠,佢走嗰一刻,我諗到以後都見唔到佢,我唔知點捱落去,依家我仍然無時無刻都好掛住佢。」現時Sally全心全力照顧病母,甚至不惜放棄工作:「有人問我點解咁耐都唔開演唱會,除咗因為我凡事要親力親 ...


葉蒨文接受汪曼玲訪問,自爆同林子祥(右)嗌交,揀分房瞓解決問題!

歌手葉蒨文(Sally)日前現身有線節目《星級會客室》,出名孝順的Sally談到前年父親離世,對她造成很大打擊:「我陪咗佢3、4年,但都係照顧得唔夠,佢走嗰一刻,我諗到以後都見唔到佢,我唔知點捱落去,依家我仍然無時無刻都好掛住佢。」現時Sally全心全力照顧病母,甚至不惜放棄工作:「有人問我點解咁耐都唔開演唱會,除咗因為我凡事要親力親為,部分原因仲係我要照顧媽媽,暫時未有時間去諗咁多嘢。」

自稱是「討厭媽媽」

身為父母,Sally自言並不是好媽媽,故無後悔沒有生小朋友:「我管教好嚴厲,就算係繼母身份,我對Alex(林德信)一樣好嚴,我迫佢喺外國讀書要自己賺錢。」雖然Sally自稱是一個討厭的媽媽,Alex卻曾公開表示Sally是一個好母親,她表示:「其實我好鍚佢哋,我從來唔會當自己係佢哋親生媽媽,我好清楚我係繼母,但我一樣會教好佢哋,如果係我,我都會想前夫嘅太太對自己啲仔囡好。」

嗌交嗌到離婚

與林子祥結婚20年,Sally坦言兩人性格南轅北轍:「佢好似女人,做咩都好滋油,喺屋企講嘢細聲到聽唔到,我就好男仔頭。佢5點就起身,嘈到我瞓唔到,一係就嗌交嗌到離婚,一係就搵個解決方法,我哋揀咗分房瞓解決。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...