李珊珊於微博表示畀人「問價」，仲話廿年嚟唔係第一次遇到呢啲事！
一向低調嘅前港姐李珊珊近期因為拍賣港姐后冠而再次活躍喺娛樂圈，后冠嘅事未解決，今日又有突發事發生喺佢身上！事緣今日佢喺微博自爆畀人「問價」出席飯局，仲上載咗一張疑似係被「問價」嘅對話截圖，佢仲留言再大爆自己早喺20年前已經遇過呢啲情況，當年同今日都一樣會拒絕！佢留言話：「先生，你好。分享入行20年其中一次的親身經歷。有人向身邊關係親密的女長輩提出，如果能安排及答應見面，即時送上過千萬豪宅一層及新款名車一輛，更重申這只是初步，誠意陸續有來；而女長輩成功促成見面能即時收取20萬元現金作感謝。然而本人一向所有朋友關係從友誼開始，所有情侶關係從愛情開始；因此非以上形式建立之關係絕非本人一貫作風。過去20年碰上情況，我也是謝絕有關安排，今天也是如此。謝謝。」
《東網》就呢件事搵過李珊珊，佢表示：「廿年嚟唔係第一次遇到呢啲事，每次都係友善地拒絕，唔係咩大不了的事情，所以冇乜嘢補充！」
來源 source: http://hk.on.cc
|
鍾意就快D Share啦！
|
|
|
