掃呢頁CODE去手機

2016年6月18日 星期六

裕美驚爆離婚:急召黃子恆 老公Jason:鍾意裕美就認 __,裕美,黃子恆,

Jason凌晨喺fb放片,叫黃子恆係鍾意裕美就出嚟認咗佢,唔好令裕美受千夫所指。已婚嘅藝人裕美之前被爆出與無綫藝人黃子恆約會爆出緋聞,裕美隨即自爆與老公林恩浩(Jason)正辦理離婚手續,隨後再不停爆出家暴疑雲及情慾短訊等風波,喺凌晨時段,Jason突然自拍片現身fb剖白事件嘅來龍去脈,片段中Jason表示自己係「被離婚」,事前唔知辦緊手續,雖然Jason咁講,但係成段片都係撐裕美,話裕美好單純, ...


Jason凌晨喺fb放片,叫黃子恆係鍾意裕美就出嚟認咗佢,唔好令裕美受千夫所指。

已婚嘅藝人裕美之前被爆出與無綫藝人黃子恆約會爆出緋聞,裕美隨即自爆與老公林恩浩(Jason)正辦理離婚手續,隨後再不停爆出家暴疑雲及情慾短訊等風波,喺凌晨時段,Jason突然自拍片現身fb剖白事件嘅來龍去脈,片段中Jason表示自己係「被離婚」,事前唔知辦緊手續,雖然Jason咁講,但係成段片都係撐裕美,話裕美好單純,「朋友們」唔好再放料落井下石去傷害裕美,近尾聲時,Jason矛頭直指黃子恆,話黃生如果真係鍾意裕美,就出嚟承認唔好畀裕美一個人去承擔受千夫所指。

Jason自拍片內容如下:

「對連日嚟嘅報道,我想對家人同朋友講對唔住,我唔係公眾人物,事發嘅時候我唔識得處理,我唔識得PR或者語言藝術,我冇收過自己即將離婚或者搞緊離婚,我自己聽到都好愕然,我請我所謂嘅朋友,你哋唔好再放料,我聽好多人講裕美病咗或者發燒,請你哋放過佢畀啲空間佢,放過大家,拜託。

我係一個男人,我會出嚟承擔,黃生,如果你鍾意裕美嘅話,麻煩出嚟承認,唔好再畀裕美一個人受千夫所指,裕美係好單純,請大家保護佢,唔好再落井下石。」


來源 source: http://hk.on.cc
鍾意就快D Share啦!