2016年6月5日 星期日

是緣是債是場夢?劉錫明《YES!》騷開毒瘤玩笑 __,劉錫明,

是緣是債是場夢?劉錫明《YES!》騷開毒瘤玩笑19,023views│2016年06月04日《YES!25週年演唱會》噚晚順利舉行。《YES!》當年係熱捧讀物,儲落唔少粉絲,所以噚晚場騷都好墟冚架,場外仲set咗啲抽卡機俾大家懷愐一下,睇下呢位哥仔抽到成手卡,仲要chok晒咁擺pose,型到呢……唔知佢又抽唔抽到今期最hit嘅「毒瘤明」《YES!》Card呢?抽唔到唔緊要嘅,成個人企定定喺度,埋去 ...






  • 其他影片:>>






  • 是緣是債是場夢?劉錫明《YES!》騷開毒瘤玩笑
  • 19,023 views│2016年06月04日
  • 《YES!25週年演唱會》噚晚順利舉行。《YES!》當年係熱捧讀物,儲落唔少粉絲,所以噚晚場騷都好墟冚架,場外仲set咗啲抽卡機俾大家懷愐一下,睇下呢位哥仔抽到成手卡,仲要chok晒咁擺pose,型到呢……唔知佢又抽唔抽到今期最hit嘅「毒瘤明」《YES!》Card呢?

    抽唔到唔緊要嘅,成個人企定定喺度,埋去集郵好過啦哥仔! 集完郵,霸返個靚位聽吓劉錫明當年嘅兩首名曲--《是緣是債是場夢》、《你怎麼捨得我難過》。

    劉錫明都離開咗香港十幾廿年,所以呢兩首歌都有返咁上下歷史,聽過嘅自然回味,未聽過嘅都冇所謂,反正大家9成9都知道佢有個朵叫「毒瘤明」,聽下佢點樣拎嚟講笑都好:「呢二十年嚟呢,我身邊有好多朋友都好擔心我嘅身體健康,擔心我真係有惡性……託賴詫賴,我一向以來身體都好好,所以我都祝在座咁每一位,最緊要身體健康。」

    唔需要touch wood,仲可以拎嚟講笑娛樂大家,呢啲咪氣度囉。「你問我有無介意呢?你話我介唔介意好呢?其實我真係好感恩,因為呢個名令好多朋友仲記得我。當年亦都俾咗好多歡樂大家,咁而家你哋都應該有四十喇掛?成熟喇何?」

    係囉,大家都成熟喇,過咗去嘅嘢就算啦。出返張《YES!》Card,俾大家抽下,再唱返首歌,開開心心又一日。

    鍾意就快D Share啦!
    Related Posts Plugin for WordPress, Blogger...