「Have a great day ......致 剛剛拍到照片的狗仔 麻煩你們可以挑好看一點的照片或者美圖秀秀之後再發嗎？體諒一下沒化妝的素顏女藝人」舒淇今午突然喺ig爆seed！男主角是誰？馮德倫！！！馮德倫同舒淇仲未分手？
拿拿拿…兩人自97年因拍《美少年之戀》而認識，迅即傳撻著，2012年被拍得東京蜜會，戀情曝光，但屢傳「分訊」，2013年4月，舒淇寫咗個po提到「勇敢說再見，從此不相見」，外間以為兩人手已分。不過一直以來都冇承認/否認，反而兩人不時喺ig以貓傳情，總之似散又似未散咁。咁今次係咪公開戀情呢？其實兩人如今係身在香港，準備開拍新片，由馮德倫執導，重拍西片版《縱橫四海》，女主角係舒淇，男主角就係「秘密」。今次舒淇大方貼圖，究竟係想表達未分手定宣傳新片呢？馮德倫就話：「啱啱喺法國睇完景返嚟，新戲係舒淇主演。」舒淇貼兩人合照，是否想公開戀情？「梗係唔係啦，佢都寫咗公開張相嘅原因，只係俾狗仔影咗我哋一齊聚舊啫。」拿，據知就係，兩人其實真係一直冇分過手，一直都係sweet sweet，而且感情越來越好，打風唔甩嗰隻。不過舒淇經理人接受《蘋果》訪問時依然口密，表示：「佢哋係好朋友，大家都喺香港，聚下舊，其實有咩咁出奇。」
來源 source: http://hk.apple.nextmedia.com
|
鍾意就快D Share啦！
|
|
|
