兩戶只有一條走廊之隔。（李國健攝）
與起火單位為鄰的姓鄧鄰居稱，姓黃一家三口死者的單位住有5人，包括2男2女1小童，其中2男女為夫婦，對面單位則住有一名獨居老人。他表示，「應該係老人家收音機開得太大聲，對面就嘈佢同佢講，可能佢唔鍾意啦，大家就拗起上嚟，係積積埋埋㗎喇！」他又指，聽過他們「嘈過」兩次，兩次均好大聲，更曾有人說「信唔信我殺死你全家！」
鄧事發時正外出上班，惟其女兒聞得整件事的經過並向他告知，鄧稱︰「當時1點幾，個囡未瞓，咁我唔知係咪報復啦，可能有人整定嗰啲玻璃爆炸品，聽個囡講就個老人家敲對面鐵閘嚟，咁人哋梗係開門啦，咁就掟啲嘢入去，聽到係咁啦，聽到有玻璃聲，佢(其女)睇唔但聽到，跟住就聽到隔離個女戶主嗌救命。」鄧的妻女無法即時奪門逃生，需留在家中等候救援，其後有消防員趕至登樓搜救，將2人救出單位脫險。
來源 source: http://hk.on.cc
|
鍾意就快D Share啦！
|
|
|
