2016年7月16日 星期六

致富智庫:喂,我無樣特別叻,點至發到達? __,

一放榜,呢個話幾多科幾多個5**穩入港大,嗰個就冇科及格可以疊埋心水做廢青,佢哋都叫做知道前路。但自己中中間間,科科都叫做勉強及格,但又無樣特別叻,咁點至有出路?查實,幾乎大部分人都係無樣特別叻,就算啲成功人士都唔一定有過人必殺技、更未必樣樣精,佢哋之能夠成功,只不過係懂得運用以下幾招。===========1、將啲中中哋嘅才能夾埋嚟用就算係全球首富蓋茨(微軟創辦人)都唔係樣樣精,而係將自己幾個中 ...


一放榜,呢個話幾多科幾多個5**穩入港大,嗰個就冇科及格可以疊埋心水做廢青,佢哋都叫做知道前路。但自己中中間間,科科都叫做勉強及格,但又無樣特別叻,咁點至有出路?

查實,幾乎大部分人都係無樣特別叻,就算啲成功人士都唔一定有過人必殺技、更未必樣樣精,佢哋之能夠成功,只不過係懂得運用以下幾招。

===========

1、將啲中中哋嘅才能 夾埋嚟用

就算係全球首富蓋茨(微軟創辦人)都唔係樣樣精,而係將自己幾個中中哋嘅才能同特點夾埋一齊嚟用。

分開逐樣計,蓋茨唔係最勁嘅程式編寫員,把口亦唔係最Talk得,Sell嘢又唔係最掂,會計唔係至Top,講遠見又未至於係驚世咁。之但係,佢識得將呢幾項技能夾埋一齊,結果就係你見到嘅蓋茨。

以為做人一定要有必殺技?仲淨係顧住樣必殺技?咁連已故Apple教主喬布斯都可能只會係個賣緊二手車嘅Top Sales。

----------

2. 轉彎諗吓其他出路 發大搞

就好似,你發現自己夾夾埋埋都可以叫做一個唔錯嘅網球員,但又點勁都勁唔到去搵大滿貫。就咁睇,識打網球,唔係咩嘢,但轉個彎嚟諗,你不單止可以教人打,行多步拍埋片賣,擺上網,搞埋網上教學,甚至發展相關網站賣埋產品......槓桿式咁一路發大落去,何止搵到食。

---------

3. 再學埋周邊嘅相關技能 Mix埋佢

用番上面例子,決定咗搞網上教學之後,你會去學剪片、搞網上宣傳等等。雖然剪片同宣傳呢啲可能唔係你嘅強項,甚至可能得半桶水,但夾夾埋就有機會變成有幾十萬個Like嘅Youtuber!成就你嘅事業,分分鐘可能就係靠呢啲你以為好普通嘅技能。

每個技能,分開睇,好普通,唔似幫到發達;但將佢哋Mix埋一齊,就會有火花。喂,我無樣特別叻,點至發到達?

------------------

「致富智庫」,領悟理財/職場智慧,一Click改變一世

http://money18.on.cc/wealth

「東網Money18」fb專頁:有討論、有分析,齊來FUN享,贏盡●你Like

http://www.facebook.com/money18


來源 source: http://hk.on.cc
鍾意就快D Share啦!
Related Posts Plugin for WordPress, Blogger...