邢李㷧與張天愛所生嘅女兒、即林青霞繼女邢嘉倩於今年一月宣佈同佢澳洲做銀行嘅男友Lloyd Jones宣佈有喜，決心做未婚媽媽，當時佢媽咪接受本報訪問時大讚囡囡獨立，仲贊成佢哋唔結婚：「成人兩個有愛，有共鳴，結婚都有太多人唔開心，佢哋自己選擇。」(http://bit.ly/29DDKG2)本報收到消息，嘉倩前晚已經入咗養和準備，母親張天愛同男友Lloyd當然陪到實，傳佢噚日開刀生B仔，故佢做媽咪喜訊已開始喺佢朋友圈互傳。之前嘉倩成日都喺ig po大肚相，不過由於男友Lloyd好低調，佢索性幾星期前已取消戶口保私隱。邢家上下都非常保密生B消息，《蘋果》今日打過畀做咗外婆嘅張天愛，佢就熄咗電話，亦冇覆本報短訊。嘉倩身邊好友包括曾昭怡都紛紛封嘴，嘉倩更係佢囡囡Madison契媽，問到曾昭怡探咗B仔未，佢喺電話即煞有介事表示：「佢私人問題，你問番佢啦，我唔清楚。」不過，佢同老公Justin就7點去到醫院，即急步未有接受訪問。霍震霆同佢二仔霍啟山亦有在醫院離開，霍Sir一味掛住聽電話，問到啟山係唔係探嘉倩，佢就話唔係，佢話：「唔係，不過已恭喜咗佢。」本報透過公關鄭紹康恭喜張天愛，她透過微訊回覆：「Thx Nana Flora.」直接承認做咗婆婆。
來源 source: http://hk.apple.nextmedia.com
|
鍾意就快D Share啦！
|
|
|
