掃呢頁CODE去手機

2016年7月27日 星期三

【獨家有片】新歡登場 36歲凸肚栢芝 帶仔偕鬍鬚男遊船河 __,栢芝,張栢芝,

自從5年前同霆鋒離婚後,栢芝幾乎去到邊,五米範圍內,梗見到兩個囝囝謝振軒(Lucas)同謝振南(Quintus)喺身邊。前日,Pokémon喺香港上架,秒速成為全城熱玩玩意,不過,平時潮開嘅栢芝,今次反而冇隨波逐流。噚日近中午,栢芝無懼一號波,帶住兩個寶貝仔,喺大埔三門仔上遊艇出海遊船河,同行仲有栢芝細佬張豪龍、加埋孫佳君同兩個囝囝。成村人浩浩蕩蕩上船由朝玩到晚,直到七點幾,記者見孫佳君一馬當先, ...




其他影片:>>






自從5年前同霆鋒離婚後,栢芝幾乎去到邊,五米範圍內,梗見到兩個囝囝謝振軒(Lucas)同謝振南(Quintus)喺身邊。前日,Pokémon喺香港上架,秒速成為全城熱玩玩意,不過,平時潮開嘅栢芝,今次反而冇隨波逐流。噚日近中午,栢芝無懼一號波,帶住兩個寶貝仔,喺大埔三門仔上遊艇出海遊船河,同行仲有栢芝細佬張豪龍、加埋孫佳君同兩個囝囝。成村人浩浩蕩蕩上船由朝玩到晚,直到七點幾,記者見孫佳君一馬當先,帶住4個細路先行上船,行去附近嘅七人車集合。隔咗5分鐘,只見栢芝同一個着住藍色裇衫、一邊抽煙嘅鬍鬚中年男離開遊艇。玩咗一日嘅栢芝,心情似乎好愉快,同鬍鬚男邊行邊傾。二人刻意墮後,遠離大隊,原本只需5分鐘嘅路程,但栢芝同鬍鬚男足足行咗10分鐘,先到眾人集合嘅停車場。等孫佳君同兩個仔離去後,栢芝先接返Lucas同Quintus上寶馬車,同鬍鬚男一行四人坐車返回栢芝位於中環半山世紀大廈。記者等到接近10點,仍未見鬍鬚男離去,睇嚟呢位鬍鬚男,已經融入栢芝家中。唔通佢就係栢芝最update嘅新歡?

(攝影:王中信、陳大陸) 栢芝噚日晏晝帶埋囝囝同呢位鬍鬚男一齊遊船河。 兩個傾到唔願上車。
行去停車場嗰陣,刻意放慢腳步。 栢芝舊年就傳同內地娛樂猛人孫東海拍拖。(資料圖片)
仲話收咗男方6,000萬豪宅(資料圖片) 栢芝去到邊都帶住Lucas同Quintus。(資料圖片) 早前栢芝喺中環剪完頭髮去買嘢,春風滿臉,莫非因為有愛情滋潤?(資料圖片)

鍾意就快D Share啦!