「真係好大隻，平時見嗰啲飛蛾頂多都係蝴蝶咁嘅size，所以個個人見到都嘩嘩聲！」昨下午1時許，讀者林小姐偕家人到粉嶺和合石拜祭亡母，酷熱天氣警告下天氣十分悶熱，她們即時到附近大樹下乘涼，豈料發現樹上伏有一隻顏色漂亮大飛蛾。「個個都話咁大隻好似風箏，係咁問真定假，因為覺得好靚，所以係咁影相呀！」在場的小朋友更表現雀躍，不停問大人是不是紙鳶。她形容大飛蛾伸長一雙翅膀，闊約1呎，赤褐色雙翼顏色奪目，縱使有人在樹下為它拍照，但大飛蛾仍然伏在樹枝上，一動不動，久久才會慢慢，輕輕拍打雙翼，姿態優美(http://bit.ly/29dpcxK)。其後她將遇到大飛蛾一事告知朋友，但被反問害不害怕，「朋友覺得係和合石見到大飛蛾有啲邪，問我驚唔驚(係先人嘅化身)，但我覺得今日只係拜媽咪咋嘛，我媽咪咪係先人囉」。林小姐閒時愛到郊外影花，影蝴蝶，但從未在香港見過如她口中「鴻運扇一樣大」的飛蛾，回家後立上網翻查資料，發現該隻大飛蛾就是俗稱大皇蛾的烏桕大蠶蛾，是世界上最大的飛蛾之一，十分罕見(http://bit.ly/29dq3ya)，「可能和合石呢啲地方比較僻靜，咁先至可能畀到啲咁大隻嘅昆蟲生長到，喺啲繁華嘅地方就可能生長唔到」，覺得今次見到罕有的大蠶蛾感到高興及驚喜。《蘋果》翻查資料，烏桕大蠶蛾存活於中國南方、印度、馬來西亞和印度尼西亞，主要的棲息地包括熱帶和亞熱帶森林。烏桕大蠶蛾在幼蟲階段體積巨大，最少有11厘米長，成年後只能存活大約兩周(http://bit.ly/29dpqot)。它們的翼具備美麗的色彩，亦有一種欺騙性的圖案，而翼梢與蛇頭相似，有眼晴及頸的圖樣。由於成年的烏桕大蠶蛾並不具備完全發育的口器，因此它們不能進食，所以要避開捕食者、交配並且產卵來確保下一代誕生(http://bit.ly/29doPmW)。想睇最新消息？ 即時follow【現場－蘋果突發】fb！http://fb.com/applecitycrime
| 讀者林小姐下午在和合石目睹世界上最大的飛蛾「烏桕大蠶蛾」。(讀者林小姐提供) |  烏桕大蠶蛾被列為世界上最大的飛蛾，其尺寸約有400平方厘米，非常巨大。(網上圖片) |  烏桕大蠶蛾在幼蟲階段時的長度約有11cm。(網上圖片) |
 由於烏桕大蠶蛾的翅膀面積甚為巨大，因此太平洋科學中心曾授予它獎項。(網上圖片) |  烏桕大蠶蛾成年後只能存活大約兩周時間。(網上圖片) |  烏桕大蠶蛾的翅膀色彩絢麗，十分罕有。(網上圖片) |
|
鍾意就快D Share啦！
|
|
|
