「又打交」阿Bob林盛斌，借醉「怒爆」安德尊：你收X皮爭食反面真相大踢爆！！
探熱針
反面真相 Bob借醉噴安德尊：你收皮
剛播完的節目《年代大激鬥》，安德尊（大王）與林盛斌（阿 Bob）鏡頭前經常針鋒相對，看似夾定搞氣氛，實質二人早有積怨。有指鏡頭之後，大王曾怒插阿 Bob搶 job，搞到大打出手。
兩個大男人，動口又動手，爭飯食只係導火線，爆鑊真正原因是阿 Bob數月前借醉當眾嗌安德尊「收皮」，自此，大王便啄住阿 Bob，勢不兩立。
阿 Bob因執生叻，成各大公司爭相聘用，影響接開外快司儀 job的安德尊，加深二人嫌隙。
阿 Bob與安德尊一早積怨，令二人合作節目《年代大激鬥》變惡鬥，其中一集更因二人爭對白，搞到嘉賓滕麗名冇得插嘴。
張美妮打圓場
兩個唔妥，遠因是去年底張美妮結婚，安德尊不單有份飲，還擔任婚宴司儀。向來以「嘈」見稱的大王，婚宴上成晚「咇呢巴啦」製造嘈音，坐在台下的司儀界後輩阿 Bob，飲大兩杯發酒瘟，滿場飛亂嘴男女賓客，又走上台搶咪，企上櫈當眾噴安德尊：「你好大聲好嘈呀，你知唔知呢個係婚宴，唔係春茗，你收皮」
阿 Bob口出狂言，全場靜曬！連跑慣江湖的安德尊亦嚟唔切反應還拖。
見阿 Bob玩寸 party，新娘張美妮驚到震，著住晚裝都要衝上台，搶咪：「你收聲呀，唔好搞事！」再安排在場朋友將爛醉阿 Bob趕走。
禍從口出，就算張美妮幫手打圓場，但阿 Bob的「收皮論」，安德尊始終氣難下。
阿 Bob借醉鬧安德尊的「場口」，正是去年底張美妮的婚宴。有指當晚新娘子嬲到親自趕走失言的 Bob，事後再致電鬧爆他搞事。
叫安德尊收皮前，醉曬的 Bob攞住支酒滿場飛，又踩櫈又攬住長腳蟹老公黃文廸錫。
安德尊性格雖霸道，但勝在夠義氣，故圈中仍有不少老友，早前他便參加陳雅倫生日 party。
先口角再動手
其實大王份人同樣出名口沒遮攔，數年前，安德尊多嘴唱《都市閒情》拍檔李錦聯姿整扮嘢，雙方一度在錄影廠動粗，衰多口但勝在夠義氣，故大王亦深受老一輩藝員歡迎。
相反，屬「世界仔」類的阿 Bob，去年在李思捷節目《玩嘢王》中處變不驚，自此被封「執生王」而獲公司爭相聘用，加上有電視劇《老表，你好嘢！》及《食為奴》穀人氣，確實搶去大王不少司儀 job。
為錢、為面，兩個積怨日深，偏偏公司安排一齊主持新節目《年代大激鬥》，令火花四濺。「阿 Bob公開叫佢收皮，大王點會唔記喺心！節目都未出街，開會度橋大王已經成日啄住阿 Bob，又嗌佢死肥 Bob。因為理虧在先，所以阿 Bob一直忍讓；到正式開拍，大王一見阿 Bob食螺絲，就故意高八度話對方累街坊，又成日爭對白，阿 Bob唔想再忍，搞到一人一句互片，試過有次兩個爭對白爭到連嘉賓滕麗名都插唔到嘴。
至於長腳蟹（呂慧儀），佢冇做和事老之餘，仲唔執輸搶埋一份，三把聲嘈到拆天。拍到尾聲，大王終於同阿 Bob嘈到打交，結果咪俾高層『的』曬上房照肺囉。」知情者說。
爭食
新城 DJ出身的阿 Bob，數年前加入無綫主力做 J2台的《兄弟幫》，人工只係加幾十，但去年被李思捷的節目《玩嘢王》整蠱一顯急才，即成執生王爆出，接騷接到手軟。
人稱大王的安德尊，是《都市閒情》台柱，又是無綫御用財神，雖然大聲作風，唔係大騷司儀人選，但反應快又識氹老人家，故深受師奶歡迎，外快 job密密賺。
撰文、攝影：娛樂組
林盛斌資料
林盛斌（Bob Lam Sing Bun，1979年9月24日－），為香港節目主持及唱片騎師，曾主持節目《新香蕉俱樂部》。林於2012年加盟無綫電視（TVB），首個主持的TVB電視遊戲節目是《登登登對》。他經常繁忙演出及主持電視節目，幾乎將電台工作當成副職，連人氣代表作《新香蕉俱樂部》也極少有他的出現，他更涉足商界，現是一名時裝店老闆。另外，林盛斌同韓紅是沒有關係的。
2016年1月8日，新城知訊台「大地震」，林盛斌被轉為只在星期六出現的兼職主持，主持新節目《開心大派對》，節目改革前一直主持《開心家天下》（1月8日 最後一集）。
早年生活[編輯]
林盛斌出身的家底，本來很不錯。他家中除了父母，就只有一個細佬，一家四口居於西營盤，父親在他讀中學時曾在內地開設電子廠。林盛斌早年就讀英皇書院，曾經是校內籃球隊成員[1]。後來，經歷了第一個人生交叉點。
九七年一場金融風暴，電子廠倒閉，林盛斌父親一嚿嚿錢攞回家的畫面不復再。如是者的日子撐了好幾年，父親結果轉行當了的士司機，母親則到便利店打工。林盛斌轉讀香港仔工業學校預科，畢業後於香港城市大學專業進修學院修畢屋宇建造系高級文憑，便開始了他的司儀之路。他已婚，妻子是黃碧玲，育有三名女兒。
|
鍾意就快D Share啦！
|
|
|
