掃呢頁CODE去手機

2016年7月8日 星期五

Hot Talk:2歲B贏在起跳線 吊環後空翻乜都識! __,

AratBB超勁呀!(互聯網圖片)依家啲家長,成日都要自己個B贏在乜乜線,最好個仔10歲大學畢業、12歲就做醫生律師咁,唔谷盡,蝕底㗎嘛。伊朗有個家長,就由得個B做自己鍾意做嘅嘢,就係體操喇。小男孩AratBB9個月就周圍跳周圍打筋斗,爸爸Mohamad就開始教佢做高難度動作,到依家AratBB2歲,唔單止可以徒手爬牆,仲連吊環、後空翻乜都識,落地企得勁穩㗎!呢個小朋友又得意又犀利,喺網絡B氣爆燈 ...


Arat BB超勁呀!(互聯網圖片)

依家啲家長,成日都要自己個B贏在乜乜線,最好個仔10歲大學畢業、12歲就做醫生律師咁,唔谷盡,蝕底㗎嘛。伊朗有個家長,就由得個B做自己鍾意做嘅嘢,就係體操喇。小男孩Arat BB 9個月就周圍跳周圍打筋斗,爸爸Mohamad就開始教佢做高難度動作,到依家Arat BB 2歲,唔單止可以徒手爬牆,仲連吊環、後空翻乜都識,落地企得勁穩㗎!呢個小朋友又得意又犀利,喺網絡B氣爆燈,佢Instagram就有超過32萬粉絲,勁呀!

Mohamad話,當Arat BB 3個月時,就知佢鍾意體操:「嗰陣放工返屋企,見到可愛嘅Arat,我就畀隻手指佢玩。佢竟然用兩隻手仔,緊緊捉住我隻手指,抽起自己個身想離開張床,真係好Amazing!」到9個月大,Arat BB就開始接觸體操,Arat開心到爆,周時喺屋企周圍爬、四處跳,勁Cutie!大家記住Arat BB喇,過多十零年,做埋奧運冠軍都唔奇呀!


來源 source: http://hk.on.cc
鍾意就快D Share啦!