2016年8月25日 星期四

買貴錶 熊黛林男友親自驗貨 [壹週刊 - 1381] __,熊黛林,M1,

同朋友有排傾,郭可頌穩陣起見,先將個袋放上車。同你吟一吟買貴錶 熊黛林男友親自驗貨主動同郭富城斬纜,放棄天王嫂光環嘅熊黛林,換碼搞掂傳聞身家過百億嘅郭可頌(郭可盈細佬),拍拖兩年,有車有樓揸手,搵到Mr.Right,打鐵趁熱結婚,但因為喺內地job接job,婚期押後到今年。未婚妻想儲定多啲私己錢,要做多陣寡佬嘅郭可頌,上星期二(八月十六日)晚約咗幾個朋友(全男)喺大坑一間餐廳見面。飲嘢吹水其次,此 ...


同朋友有排傾,郭可頌穩陣起見,先將個袋放上車。

同你吟一吟

買貴錶 熊黛林男友親自驗貨

主動同郭富城斬纜,放棄天王嫂光環嘅熊黛林,換碼搞掂傳聞身家過百億嘅郭可頌(郭可盈細佬),拍拖兩年,有車有樓揸手,搵到 Mr. Right,打鐵趁熱結婚,但因為喺內地 job接 job,婚期押後到今年。

未婚妻想儲定多啲私己錢,要做多陣寡佬嘅郭可頌,上星期二(八月十六日)晚約咗幾個朋友(全男)喺大坑一間餐廳見面。

飲嘢吹水其次,此行其實主要係驗貨。因為佢託咗個可以攞「電視框」嘅 friend,幫手買咗隻 AP(愛彼錶)。送俾未來老婆定自己?咁就唔知!

交收完,郭可頌好穩陣,第一時間放上車,先再返頭同朋友繼續,一班男人吹到十一點幾都未散。

咁而家仲係單身,冇人管又唔使急住交人,玩夜啲都無所謂

託人幫手買咗隻 AP,郭可頌開盒驗貨。

今個月男友生日, Lynn放貼頭相晒恩愛,仲以「我親愛的 Mr. Right」形容對方。

上星期五( 19/8),戴住口罩嘅熊黛林,企喺街不停篤電話,手上三卡訂婚鑽戒,好吸睛。

撰文:八珍


鍾意就快D Share啦!
Related Posts Plugin for WordPress, Blogger...