掃呢頁CODE去手機

2016年8月21日 星期日

【展開新生活】昔日愛巢人去樓空 王寶強遺下名車賓利封塵 __,王寶強,

王寶強同老婆馬蓉嘅離婚案日日新鮮。先有王寶強向法院提出離婚訴訟,指老婆同經理人宋喆有染。而宋喆老婆楊慧就更早出招,喺上個月一號,已經向法院凍結老公224萬人民幣(約262萬港幣)嘅財產,目前兩件案件已進入司法程序。結婚7年,本身同王寶強育有一對仔女嘅馬蓉,至今仍未見芳踪,至於昔日夫妻一齊同住嘅愛巢,如今亦人去樓空。根據大陸微博用戶「名偵探趙五兒」指,連日去過王寶強嘅豪宅查探,都未有人出入,屋外只得 ...




其他影片:>>






王寶強同老婆馬蓉嘅離婚案日日新鮮。先有王寶強向法院提出離婚訴訟,指老婆同經理人宋喆有染。而宋喆老婆楊慧就更早出招,喺上個月一號,已經向法院凍結老公224萬人民幣(約262萬港幣)嘅財產,目前兩件案件已進入司法程序。結婚7年,本身同王寶強育有一對仔女嘅馬蓉,至今仍未見芳踪,至於昔日夫妻一齊同住嘅愛巢,如今亦人去樓空。根據大陸微博用戶「名偵探趙五兒」指,連日去過王寶強嘅豪宅查探,都未有人出入,屋外只得一對拖鞋。另一棟疑似王寶強嘅物業,大門更俾鐵鎖鎖上、門上仲貼住未交電費嘅催繳單。而寓所地下停車場入面,王寶強坐開嘅賓利房車,就泊喺停車場入面鋪滿塵,睇嚟多日未開過!至於王寶強嘅公司「寶億嶸影視公司」,最近亦準備搬公司,原公司嘅走廊上塞滿紙箱雜物。公司新地址,門外掛有「祝:寶億嶸影業辦公室裝修工程項目開工大吉」嘅大紅布條,目前內部正全面趕工。除咗急於改變婚姻狀況,王寶強連寓所同公司都打算去舊立新,務求盡快重過新生活!

王寶強坐開嘅賓利房車,就泊喺停車場入面鋪滿塵(「名偵探趙五兒」微博圖片) 另一棟疑似王寶強嘅物業,大門更俾鐵鎖鎖上(「名偵探趙五兒」微博圖片) 門上仲貼住未交電費嘅催繳單(「名偵探趙五兒」微博圖片)
「寶億嶸影視公司」最近亦準備搬公司(「名偵探趙五兒」微博圖片)

鍾意就快D Share啦!