掃呢頁CODE去手機

2016年8月21日 星期日

低胸李亞男晒白滑長腿 撐祖藍大跳熱舞 __,祖藍,李亞男,王祖藍,

李亞男呢次其實搶晒祖藍鏡,冇得輸呀!藝人王祖藍喺內地發展得非常好就係人都知,再加上有個索爆老婆李亞男,可以話係事業愛情兩得意。最近佢參加咗內地真人騷節目《跨界歌王》仲成功入埋總決賽,呢次祖藍以《王妃》一曲出戰。一開始嘅時候佢着住皮褸再戴住黑超出場,已經贏盡全場掌聲,但好戲在後頭,佢嘅舞伴一出場啲掌聲直頭可以用震撼嚟形容!係邊個?就係佢老婆李亞男!李亞男就以黑色低胸吊衫加熱褲上陣,大騷一對長到爆嘅白 ...


李亞男呢次其實搶晒祖藍鏡,冇得輸呀!

藝人王祖藍喺內地發展得非常好就係人都知,再加上有個索爆老婆李亞男,可以話係事業愛情兩得意。最近佢參加咗內地真人騷節目《跨界歌王》仲成功入埋總決賽,呢次祖藍以《王妃》一曲出戰。一開始嘅時候佢着住皮褸再戴住黑超出場,已經贏盡全場掌聲,但好戲在後頭,佢嘅舞伴一出場啲掌聲直頭可以用震撼嚟形容!係邊個?就係佢老婆李亞男!

李亞男就以黑色低胸吊衫加熱褲上陣,大騷一對長到爆嘅白滑美腿,即時成為全場焦點!之後佢哋大跳辣身舞,李亞男嘅舞步仲性感到不得了,包括跪地晒腿、烏低身摸大髀同埋單腳貼身摸祖藍面,真係羨煞旁人,到最後仲差啲咀埋!難怪搞到主持都忍唔住講:「你們繼續秀恩愛,我可以離開了!」而一輪熱舞之後,李亞男喺現場幫祖藍拉票仲話:「演唱的非常完美!」呢兩公婆完美嘅配合,精彩都非常合理!

之後祖藍演繹歌曲《浮誇》,唱嘅時候肉緊到爆,仲加埋一個超高嘅高音,可以話係High爆現場,全場企晒起身拍爛手掌!評判都畀咗極高嘅評價。最終祖藍成為《跨》嘅亞軍!認真唔簡單!


來源 source: http://hk.on.cc
鍾意就快D Share啦!