2017年7月1日 星期六

【林德信似足老竇?】林子祥糾纏前妻12年 離婚翌年即娶葉蒨文 __,葉蒨文,林子祥,林德信,

松岡李娜最近被指同周焯華(洗米華)越行越近,令到MandyLiue嬲嬲豬,搞到洗米華又要周圍飛。兩位女主角嘅前度--林德信就一於懶理,陪親生媽咪吳正元 ...


松岡李娜最近被指同周焯華(洗米華)越行越近,令到Mandy Liue嬲嬲豬,搞到洗米華又要周圍飛。兩位女主角嘅前度--林德信就一於懶理,陪親生媽咪吳正元同女友Candace行街。林德信被捲入感情風波,呢一點似足老竇林子祥(阿Lam)。阿Lam曾經喺80年與唱片監制吳正元奉子成婚,婚後生咗一子一女林德信同林德懿,直到83年因為一首《重逢》認識咗葉蒨文(沙麗),自始發展成一段三角關係,93年沙麗公開承認「我愛林子祥」。最終呢段三角戀,由沙麗勝出,林子祥選擇喺95年同吳正元離婚,翌年已經同沙麗拉埋天窗。不過吳正元喺05年受訪就曾經自稱係林子祥身邊嘅小女人,所有嘢都係阿Lam話事,最後以「佢係一個好人」嚟形容前夫。講到沙麗嘅時候,吳正元就大數對方破壞婚姻,仲講到「我鍾意嘅嘢,佢都要鍾意埋一樣。」仲話有一刻驚到以會沙麗會搶走埋阿仔。至於林德信同沙麗嘅關係其實都唔錯,除咗家庭聚會,沙麗開演唱會,仲喺小朋友嘅林德信都有上台送花,到大個咗做埋歌手,就連埋林子祥一家三口上台獻唱。

林子祥同吳正元80年結婚,育有一子一女。 離婚後,吳正元喺05年大數沙麗不是。
至於沙麗,其實同林德信同林德懿關係唔錯。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...