2017年7月5日 星期三

「God神」夜場散貨俾女 傳今鋪股災輸多千萬

股壇玩家各出其謀散貨,一向有之,而且專攻人性貪婪的弱點。其中對象,包括經常等錢使的o靚模。一五年港股大時代,當時在金融界薄有名氣的「God神」Kelv ...


股壇玩家各出其謀散貨,一向有之,而且專攻人性貪婪的弱點。其中對象,包括經常等錢使的o靚模。一五年港股大時代,當時在金融界薄有名氣的「God神」Kelvin God,在夜場利用Whatsapp、WeChat等方法高速「傳銷」股票。Kelvin成立了一個名叫「香港股票討論區」的WeChat群組,以討論為名,散貨為實,不時在組內推介。由於最初發放的tips甚準,一眾o靚模當他神咁拜,但很快就出事,「佢強烈推介1063(新確科技),一開始我$1.1買一百萬,$1.3走,先賺二十萬甜頭。之後$1.2再入二百萬,跌到$0.6走,輸成一百二十萬!」這家新確科技(1063),正是曾經由葉志輝哥哥葉志明出任執行董事。而受害人曹小姐沒有止蝕,歸咎於「有人係WeChat講話唔使驚,震一震啫。」不少靚模在群組內大呻:「輸到嘔血」、「呢個六月輸咗兩個Hermes」。事實上,Kelvin在這事上傳聞亦被過一戙,自己都輸近千萬元。現時新確科技股價只剩兩仙半左右。

Kelvin God此役後再低調下來,而𡃁模的WeChat群組,後來變了變賣名牌二手袋及手錶撲水的交流區,再後來解散。今次細股爆煲,有細價股專家指,Kelvin又因無人叫佢「走先」,輸多鑊中國錢包(802),損手達過千萬。為此致電Kelvin,他回應指:「自己很耐無玩細價股,不太方便回應。」

撰文:財經組

攝錄:財經組

相關連結:

【封面●避開呢啲股】400億股災大鱷起底 瘋狂出貨劏大媽

http://bit.ly/2sydTwq

【封面●跌得好舒服?】首隻暴跌細股漢華:有人升職 翠如身邊人:佢話舒服哂

http://bit.ly/2ti50o6

【封面●傳婚變之後】上岸股評人齊食花生 鄧聲興被證監重點調查

http://bit.ly/2tBmvlD

鍾意就快D Share啦!
Related Posts Plugin for WordPress, Blogger...