謝婷婷每次出嚟，大家都好關心佢嘅感情生活——即係，佢同鷹眼謝洛美維拿（Jeremy Renner）嘅戀情。對上一個最新發展係，上月23日，這邊廂婷婷高調默認同鷹眼拍拖，但同時有外國網站卻稱鷹眼同女友買訂婚戒……雖然後來有指呢個係惡搞網站，但亦不禁令人狐疑：係喎，一路都係婷婷自己講同鷹眼嘅相處，例如問佢：「有好消息公佈嗎？」婷婷問番佢：「乜嘢好消息？」講白啲係同「鷹眼」有關喇，婷婷就答你：「都ok啦，有facetime見面，保持聯絡。」又例如，婷婷話自己忙於喺上海拍戲，咁鷹眼有冇探班？婷婷就話：「冇，佢自己都就嚟開戲，要喺屋企陪個女。」仲唔係一齊？原來真係唔係喎！今日婷婷到尖沙嘴出席美容活動，話題由四哥謝賢早前接受專訪時，一講到霆鋒步自己後塵離婚收場，即忍不住流淚，婷婷聞言即表示：「吓，點解，唔好話畀我聽佢喊，佢喊我又喊。」又直言霆鋒離婚改變佢對婚姻睇法：「早幾年覺得自己無影響，o依家可能有啲影響，只要愛大家就得，唔使結婚。」於是，傳媒就追問婷婷，哥哥離婚會否影響佢同鷹眼婚期？唔知係咪因為外國傳媒出咗嗰單鷹眼陪女友買戒指報道，令婷婷即改口風：「佢唔係我男友。」吓？係咪分咗手呀？婷婷即再補充：「我哋冇真正拍拖，我冇認過，你哋『躓』畀我！」吓？相關文章：
【認與「鷹眼」拍拖】Jeremy被爆同女友買訂婚戒？婷婷知唔知？
http://bit.ly/2t5gu0e
|
鍾意就快D Share啦！
|
|
|
