掃呢頁CODE去手機

2017年8月10日 星期四

換腎 9個月 大劉日日返華置坐鎮 [壹週刊 - 1431] __,大劉,劉鑾雄,M1,

肥番不少的大劉,上週一雖然患感冒,仍堅持返華置坐鎮,工作兩小時多返回渣甸山寓所吃午飯。探熱針換腎9個月 大劉日日返華置坐鎮現年66歲的劉鑾雄,去年患腎 ...


肥番不少的大劉,上週一雖然患感冒,仍堅持返華置坐鎮,工作兩小時多返回渣甸山寓所吃午飯。

探熱針

換腎 9個月 大劉日日返華置坐鎮

現年 66歲的劉鑾雄,去年患腎衰竭需要換腎,一場大病走過生死邊緣,令大劉發覺身邊最重要的女人是現任老婆甘比(陳凱韻),除給予名分,今年初更決定將價值 180億的 The One送贈老婆,之後再以健康極之不穩為由分身家,將華置 50.02%股份分給甘比一對仔女,令甘比身家暴漲至逾 547億,一躍成為全港女首富。

靜養大半年,肥番的大劉終於出關,上月底就陪甘比及一對仔女趁暑假外遊,病後首度坐私人飛機出埠旅行,返港又即返華置坐陣睇實盤生意,健康趨穩定!

出入大陣仗

上週一( 31/7)早上十一時多,在華置工作兩小時,大劉由公司女職員陪同,在多名保鑣護駕下離開灣仔華置辦公室,發現有記者幾名保鑣已經出動遮陣保護老細,大劉捉實女職員的手臂,慢慢行出華置總部,身穿睡衣的大劉,睇落肥番唔少回復昔日飽滿,但仍須靠枴杖輔助,當日因為患傷風,睇落有啲唔精神,一上車更即刻用紙巾抹鼻。

成功換腎之後,大劉身體逐漸康復,升任劉太的甘比,更深得大劉寵愛,成功完勝大劉前女友呂麗君,坐擁超過五百億身家,躍身成為香港女首富。

「甘比雖然係華置執行董事,但佢要照顧大劉、女兒秀樺同兒子仲學,本身已經好忙,加上佢都唔鍾意搞生意啲嘢,反而安插咗家姐同細妹喺華置幫手,細妹諾韻一樣係執行董事,家姐詩韻仲係公司 CEO,有親信喺度,大劉背後監控都可以放心!不過,而家身體情況好番好多,大劉每日都會返華置開會!」大劉身邊人說。

大劉有潔癖,每次回公司都非常大陣仗,出入的地方要消毒,職員要攞紙巾開門,行近的職員雙手鋪咗毛巾,隨時俾佢做扶手!

甫上車,大劉已經攞紙巾擤鼻涕!

去年 7月,患腎衰竭暴瘦的他,出入都要坐輪椅。

跟咗大劉 14年,去年 12月甘比終於坐正做第二任劉太。

週一林建岳 60大壽,大劉拖實甘比到賀!

病癒首次外遊

健康好轉,大劉上月底更出關,是病後首度坐私人飛機,與甘比及一對仔女秀樺和仲學,一家四口到外地旅行,陪為他患病頻撲多時的甘比,充電休息!

「大病嘅時候,大劉不停進出醫院,都係甘比全程陪喺佢身邊,其實嗰時大劉已經想俾名分甘比,反而係甘比想大劉情況穩定啲先結婚,令大劉更加感動!」知情者說。

被大劉形容「好單純、唔貪錢!唔係壞女人!」的甘比,與大劉口中指係「貪得無厭」、「為咗一元都會出賣佢」的呂麗君,兩人無論學歷與手段都差天共地,為防有人想打爭產官司,大劉同甘比婚後,多次有所動作,先後將個人資產轉移至甘比旗下。

「因為換腎嘅病人,好容易會受細菌感染,頭半年都係關鍵期,除咗要服抗排斥藥,起居飲食都要格外小心!嗰段時間亦係大劉最擔心嘅!」知情者說。

多年來仍然童心未泯的甘比,近年為照顧大劉身心疲累,早前就由保鑣陪同下,一個人去冒險樂園玩,只見她聚精會神在玩夾水晶公仔,玩了大半小時,才匆匆離開,趕住去湊女兒放學。

經常被指童心未泯,當日甘比就一個人去冒險樂園玩,更玩到入晒神。

玩到差不多夠鐘,甘比即刻轉身走,保鑣火速埋去彎身攞晒啲飛,再追出門口。

唔知係咪趕住湊女兒放學,甘比邊玩邊吩咐保鑣睇時間!

去年大劉患重病出入醫院不下數十次,甘比都貼身陪伴左右。

大劉「 DQ」呂麗君,就連女方一對仔女亦在家族信託 Alto Trust除名,未獲分派任何股份。

大劉將華置一半股份分給甘比一對仔女,現由甘比做信託人暫管。

甘比一早安插家姐(左一)同細妹(左二)入華置工作,現分別為公司 CEO及執行董事。

大贏家

去年 11月,大劉已密密分身家,而甘比成為其中最大受益者,獲贈市值 180億尖沙咀「 The One」物業外;今年三月,大劉以健康不穩為由再向大仔劉鳴煒及甘比大派股份,甘比更以信託人名義代一對子女管理合共 113億的華置股份,保守估計甘比身家已逾五百多億,躋身成為香港十大富豪;而大劉的信託基金 Alto Trust的受益人,除大劉及其家族成員為合資格受益人外,已刪走呂麗君及其子女。

前妻兩度打勝仗

被譽為「抗癌勇士」的寶詠琴,多年來難逃病魔纏繞,曾先後患上乳癌及肺癌,成功兩度打勝仗,戰勝癌症; 02年初,寶詠琴再發現患上腎衰竭,九個月後,到珠海中山醫院接受換腎手術,出院回港後,寶詠琴一直深居簡出,調理身體,以為可以大步𨂾過,怎知換腎四個月後,突然病情惡化,送院後終告不治,終年四十九歲。

因為前妻寶詠琴亦曾換腎,大劉深知換腎病人頭半年非常重要,故特別小心養病。

劉鳴煒亦獲分華置 24.97%股份,身家亦超過三百億。

撰文:娛樂組

攝影:森美、余一駱


鍾意就快D Share啦!