2017年8月2日 星期三

【獨家有圖】老公冇同行 黎姿拖三隻粉紅小豬出埠 全程勁乖冇扭計 __,小豬,羅志祥,黎姿,

現年45歲嘅黎姿(現名馬黎珈而)喺08年因為照顧車禍受重傷嘅細佬黎嬰而退出娛樂圈,翌年宣佈已同商人馬廷強結婚,跟住仲生咗3個可愛嘅小公主!不過呢個幸福 ...


現年45歲嘅黎姿(現名馬黎珈而)喺08年因為照顧車禍受重傷嘅細佬黎嬰而退出娛樂圈,翌年宣佈已同商人馬廷強結婚,跟住仲生咗3個可愛嘅小公主!不過呢個幸福人妻,除咗相夫教女,仲幫細佬打理醫學美容公司,今年年初仲搞到上市(新聞連結: http://bit.ly/2jcmyfT )。「升呢」做到公司主席嘅黎姿忙還忙,但佢一直都冇忽略過3個寶貝女,除咗陪佢哋去畫畫、興趣班之外,仲會經常同佢哋去旅行,把握時間享受親子樂。黎姿繼喺6月份帶咗3個女去遊北京後,《蘋果》讀者凌先生透過「爆相爆片」公開日前喺日本成田機場見到黎姿帶住3個囡囡兼連同兩個保母出發嘅相。凌先生話:「嗰日大約係日本時間1755左右,我喺東京成田機場等飛機返香港,喺對面前往夏威夷航班,見到黎姿帶住佢3個女,仲有兩個保母喺度等上機,喺等上機嗰陣,佢哋去咗閘口附近嘅便利店買零食。」凌先生話佢個3個女全程好乖咁跟實媽咪,完全冇走嚟走去,隔咗冇耐就一陣上機。睇番啲相,黎姿3個女齊齊着住粉紅色tee,一人拉住一個小朋友專用嘅喼,真係好乖跟住媽咪行!仲話得黎姿之前話過自己「最鍾意粉紅色嘅小豬豬!屋企就有三隻!」(新聞連結: http://bit.ly/2sujy6M )唔知係咪呢個原因,所以3位馬小姐都係以粉紅色tee打扮呢?

黎姿又同囡囡外遊!(讀者提供圖片) 黎姿3個囡囡都好聽話(讀者提供圖片) (讀者提供圖片)
(讀者提供圖片) 黎姿一向將家庭同事業分配得好好!(微博圖片) (微博圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...