掃呢頁CODE去手機

2017年8月10日 星期四

同拉姑離婚開心擁抱 謝賢細數五個女人 __,拉姑,謝賢,狄波拉,

謝賢想起當年同拉姑(中)離婚後,兩人開心到喺街轉圈!佢又細數生命中另外四個女人!藝人謝賢現身奇妙電視節目《天下第一Friend》,接受主持鄭紹康訪問。 ...


謝賢想起當年同拉姑(中)離婚後,兩人開心到喺街轉圈!佢又細數生命中另外四個女人!

藝人謝賢現身奇妙電視節目《天下第一Friend》,接受主持鄭紹康訪問。訪問期間,謝賢提到想不到兒子謝霆鋒會跟自己一樣,踏上離婚之路時,不禁哽咽表示:「呢個係我孤獨老人嘅創傷,每次想起都難免落淚!」

好鍾意栢芝

謝賢與狄波拉(拉姑)結婚25年後離婚,問到離婚對霆鋒有冇影響?他說:「應該冇嘅!我哋決定離婚前有問過仔女意見,霆鋒好瀟灑,好贊成我同拉姑做番朋友,所以就算有影響,佢都應該識處理!」謝賢坦言好喜歡霆鋒一家,尤其是張栢芝,他謂:「我成日同人講我好錫呢個新抱,因為佢幫我生咗兩個孫,有咩好得過畀兩個孫我呀,係唔係?(有冇同霆鋒現任女友王菲見面?)呢樣唔理啦,霆鋒從來唔會問我識咩女仔,我哋屋企唔興問呢啲嘢!」

獲霆鋒送豪宅要扮瀟灑

謝賢表示也從不過問女兒謝婷婷是否一如傳聞所講,與「鷹眼」謝洛美維拿(Jeremy Renner)拍拖,他說:「番鬼佬,佢鍾意就得,一世人幾廿年,至緊要開心!」提到近日獲霆鋒豪贈八千萬豪宅,謝賢說:「唔通要我跪喺度多謝佢咩?梗係扮瀟灑啦,不過我心入面嗰句係:『我冇生錯呢個仔!』」謝賢自嘲是個「不知所謂」的爸爸,從來都是狄波拉擔起管教霆鋒和婷婷的責任,他說:「拉姑係賢妻,但唔係良母,因為佢好嚴厲!」

同拉姑離婚「抱住佢轉咗三個圈」

謝賢與拉姑離婚後仍是好朋友,他更發揮幽默感說:「有次拉姑揸車接我,佢老公(鬍鬚Kong)都有嚟,仲坐喺前座。我一上車就同佢講:『坐番後面,我係前夫梗係坐前面』,記得當年我哋辦理完離婚手續後,兩個人喺街上擁抱!因為太開心,我仲抱住佢轉咗三個圈,睇到我哋雙方律師都呆咗,哈哈!」

唔想「害」蕭芳芳

除了拉姑外,謝賢更細數生命中另外四個女人,他說:「第一個係嘉玲(息影女星),同佢失敗咗,因為當年我太貪玩,因為細個冇錢,後來有錢咪出去喪玩囉,玩到有日佢突然同我講佢要結婚,然後就嫁咗去泰國!至於蕭芳芳(第二個女朋友),佢好乖,係我決定要離開佢嘅!因為有日佢提議我去學英文,我心諗,我連玩都唔夠時間玩,你仲要我去學英文?不過我從而知道佢係個好女仔,咁我就唔好害人最後決定退出,我覺得自己做咗件好偉大嘅事!」

叫Coco遇到個好就走

謝賢與甄珍拍拖4年,但結婚1年便分手,他回憶說:「簽咗離婚紙後,我揸車上山頂喊咗15分鐘,然後我同自己講:『過咗去,唔好再諗!』,然後就放低咗!而Coco(現任女友,拍拖逾10年),我唔會再結婚,名分係假!兩張婚書我都撕爛咗,仲結嚟做乜!況且我都『80後』啦,我同佢講,遇到個好嘅,就走(依家依然有心有力?)依家有心多啲,哈哈哈,呢樣嘢冇得認叻嘅!」


來源 source: http://hk.on.cc
鍾意就快D Share啦!